AERC ساراپشىلارى الەمدىك الپاۋىتتاردىڭ دەرەكتەرىنە سۇيەنە وتىرىپ, الداعى كەزەڭگە ارنالعان مۇناي باعاسىنىڭ جاڭا بولجامىن جاريالادى, دەپ حابارلايدى Egemen.kz.
ساراپشىلاردىڭ پايىمداۋىنشا, قىسقا مەرزىمدى پەرسپەكتيۆادا قارا التىننىڭ قۇنى باررەلىنە ورتاشا ەسەپپەن 59,24 دوللار دەڭگەيىندە قالىپ, قالىپتى قۇبىلمالىلىقتى ساقتايدى.
وپەك ۇيىمى 2025 جانە 2026 جىلدارى سۇرانىس سايكەسىنشە 1,3 ملن جانە 1,4 ملن ب/س-قا وسەدى دەپ وتىر. نەگىزگى قوزعاۋشى كۇش – ەىدۇ-عا مۇشە ەمەس دامۋشى ەلدەر.
حالىقارالىق ەنەرگەتيكا اگەنتتىگى سۇرانىس ءوسىمى ايتارلىقتاي تومەن (830-860 مىڭ ب/س) بولادى دەپ بولجايدى. سونىمەن قاتار, 2025 جىلى الەمدىك ۇسىنىس بىردەن 3,0 ملن ب/س-قا ارتىپ, نارىقتا مۇنايدىڭ ارتىق مولشەرى پايدا بولۋى مۇمكىن ەكەنىن ەسكەرتەدى.
مۇناي باعاسىنا ەكونوميكالىق فاكتورلاردان بولەك, گەوساياسي جاعدايلار دا تىكەلەي اسەر ەتىپ وتىر:
ۆەنەسۋەلا بلوكاداسى: دونالد ترامپ ۆەنەسۋەلاعا قىسىمدى كۇشەيتىپ, مۇناي تانكەرلەرىنىڭ ەركىن قوزعالىسىن شەكتەدى. رەسەيدىڭ «كولەڭكەلى فلوتى»: ەۋروپالىق وداق رەسەيلىك مۇنايدى تاسىمالدايتىن كولەڭكەلى سحەمالارمەن كۇرەسۋ ماقساتىندا 9 كەمە قاتىناسى كومپانياسىنا سانكتسيا سالدى.رەسەي مۇنايىنىڭ باعاسى كۇرت تومەندەدى
ۇسىنىستىڭ ارتۋى (اقش, برازيليا, كانادا مەن ارگەنتينا ەسەبىنەن) جانە گەوساياسي شيەلەنىستەر مۇناي باعاسىن بەلگىلى ءبىر ءدالىزدىڭ ىشىندە ۇستاپ تۇر. AERC ساراپشىلارىنىڭ تۇجىرىمى بويىنشا, ازىرگە باعانىڭ كۇرت سەكىرۋى نەمەسە قۇلدىراۋى بايقالمايدى – نارىق 59,24 دوللار توڭىرەگىندە تۇراقتايدى.