رەسپۋبليكالىق «دارمەك» جەدەل-پروفيلاكتيكالىق ءىس-شاراسى بارىسىندا ەلوردالىق پوليتسيا قىزمەتكەرلەرى ايالدامادا تۇرعان ەر ادامنىڭ سومكەسىنەن ەسىرتكى تاپتى. كۇدىكتى بۇل زاتتاردى «تاعامدارعا ارنالعان دامدەۋىشتەر» دەگەن جەلەۋمەن جاسىرىپ, جاپپاق بولعان, دەپ جازادى Egemen.kz.
ونى ءتىنتۋ بارىسىندا سومكەسىنەن سۇر-جاسىل ءتۇستى, وزىنە ءتان ءيىسى بار 7 ورام ماريحۋانا, سارى ءتۇستى سۇيىق كونسيستەنتسيالى گاشيش مايىنا ءتان ءيىسى بار 20 پلاستيك قۇتى, سونداي-اق وسىمدىك تەكتەس قويۋ سۇر ءتۇستى 10 ورام كاننابيس شايىرى تابىلعان.
كۇدىكتىنىڭ ەلورداداعى مەيرامحانالاردىڭ بىرىندە جۇمىس ىستەيتىنى راستالعانىمەن, تاركىلەنگەن زاتتاردىڭ تاعام ونىمدەرىنە ەشقانداي قاتىسى جوق ەكەنى انىقتالعان.
اتالعان دەرەك بويىنشا ەر ادامعا قاتىستى ەسىرتكىنى زاڭسىز ساقتاۋ فاكتىسى بويىنشا قىلمىستىق ءىس قوزعالدى.
پوليتسيا ەسىرتكىنىڭ زاڭسىز اينالىمىن انىقتاۋ جانە جولىن كەسۋ باعىتىنداعى جۇمىستاردى جالعاستىرىپ, ازاماتتارعا تىيىم سالىنعان زاتتاردى ساقتاۋ جانە تاراتۋ ءۇشىن زاڭدا جاۋاپكەرشىلىك قاراستىرىلعانىن ەسكە سالىپ وتىر.
جىل باسىندا پرەزيدەنت قىلمىستىق زاڭنامانى ىزگىلەندىرۋ ارقىلى ەسىرتكى قىلمىسىن ۇيىمداستىرۋشىلاردىڭ جازاسىن بارىنشا قاتاڭداتىپ, ال ورىنداۋشىلار جاۋاپكەرشىلىگىن جەڭىلدەتۋ ۇسىنىسىن ورتاعا سالعان.
پوليتسيا قىزمەتكەرلەرى ەسىرتكى تاسىمالداۋ, ساقتاۋ شارالارىنا قارسى كۇرەستى ۇزدىكسىز جالعاستىرىپ كەلەدى.