ERSAI يندۋستريالىق پورتى قۇرىق پورتىندا اكۆاتوريا مەن كىرمە ارنانىڭ ءتۇبىن تەرەڭدەتۋ جونىندەگى ستراتەگيالىق جوبانى ىسكە اسىرۋعا كىرىستى. جوبا بويىنشا تەڭىز ءتۇبىنىڭ تەرەڭدىگىن 5 مەترگە دەيىن ۇلعايتۋ جانە جىل بويى ۇزدىكسىز ناۆيگاتسيانى قامتاماسىز ەتۋ كوزدەلىپ وتىر, دەپ حابارلايدى Egemen.kz.
جوبانى تولىقتاي ERSAI كومپانياسى قارجىلاندىرادى.
كولىك مينيسترلىگىنىڭ مالىمەتىنشە, جوبانى ىسكە اسىرۋعا دايىندىق بارىسىندا ERSAI Cutter Suction Dredger (CSD 650) تيپىندەگى ERSAI 5 اتتى جەكە جەرسناريادتىڭ قۇرىلىسىن قارجىلاندىردى. بۇل ءتۇبىن تەرەڭدەتۋ جۇمىستارىنىڭ مەرزىمى, ساپاسى جانە قۇنى بويىنشا تولىق باقىلاۋدى قامتاماسىز ەتۋگە مۇمكىندىك بەردى.
جوبانىڭ مەرزىمى – ىسكە اسىرۋ 2026 جىلعى قاڭتار-ماۋسىم ايلارى ارالىعىن قامتيدى, جۇمىستاردىڭ جالپى كولەمى 1 ملن م³.
تەڭىز ءتۇبىن تەرەڭدەتۋ جۇمىستارى – كونتەينەرلىك تەرمينالدى ىسكە قوسۋدى جانە كەمە جاساۋ-جوندەۋ قۋاتتارىن كەڭەيتۋدى كوزدەيدى.
جوبانى ىسكە اسىرۋ – جۇك اينالىمىنىڭ وسۋىنە, ورتا ءدالىز بويىنداعى ترانزيتتىك اعىنداردى تارتۋعا, سونداي-اق كاسپي وڭىرىندە بولاشاق ينۆەستيتسيالىق جوبالاردى جۇزەگە اسىرۋ ءۇشىن ينفراقۇرىلىمدى قالىپتاستىرۋعا مۇمكىندىك بەرەدى.