15 جەلتوقسان كۇنى كەشكە اقتاۋ قالاسى مەن وعان جاقىن اۋماقتاردى جايلاعان جاعىمسىز ءيىستىڭ نەدەن شىققانى انىقتالدى, دەپ جازادى Egemen.kz.
ماڭعىستاۋ وبلىسىنىڭ ەكولوگتارى 15-22 جەلتوقسان ارالىعىندا اقتاۋ قالاسىندا, وندىرىستىك ايماقتاردا جانە قالا سىرتىنداعى ەلدى مەكەندەردە اۋانىڭ ساپاسىن جوسپاردان تىس تەكسەرگەن.
تەكسەرۋ كەزىندە 19 جانە 20 جەلتوقسان كۇندەرى Caspi Bitum زاۋىتىنا جاقىن اۋماقتا اۋادان كومىرتەك ءديسۋلفيدى دەگەن حيميالىق زاتتىڭ مولشەرى رۇقسات ەتىلگەن دەڭگەيدەن اسىپ كەتكەنى تىركەلگەن. ءدال وسى زات وتكىر, جاعىمسىز يىسپەن ەرەكشەلەنەدى. ال باسقا كۇندەرى اۋا قۇرامىندا ايتارلىقتاي وزگەرىس بولماعان.
ەكولوگيا دەپارتامەنتى بۇل جاعدايعا بايلانىستى زاۋىت جونىندەگى ماتەريالداردى پروكۋراتۋراعا جولدايتىنىن حابارلادى. الداعى ۋاقىتتا قانداي شارا قابىلداناتىنى قوسىمشا ايتىلادى.
مامانداردىڭ ايتۋىنشا, كومىرتەك ءديسۋلفيدى كوپ مولشەردە تىنىس الۋعا زيان, باس اۋرۋى مەن جايسىزدىق تۋدىرۋى مۇمكىن. سوندىقتان مۇنداي جاعدايلار قاتاڭ باقىلاۋدا بولادى.