كونكيمەن جۇگىرۋدەن 14 قاراشا – 14 جەلتوقسان ارالىعىندا اقش, كانادا, نيدەرلاند جانە نورۆەگيادا وتكەن الەم كۋبوگى كەزەڭدەرىنىڭ قورىتىندىسى بويىنشا قازاقستان قۇراماسى 12 ليتسەنزيا جەڭىپ الدى, دەپ جازادى Egemen.kz.
ۇلتتىق قۇرامانىڭ جاتتىقتىرۋشىلار شتابىنىڭ شەشىمىمەن 2026 جىلعى قىسقى وليمپيادادا كونكيمەن جۇگىرۋدەن ەل نامىسىن قورعايتىن سپورتشىلاردىڭ ەسىمى بەلگىلى بولدى.
نەگىزگى قۇرامعا ەنگەن سپورتشىلار:
ەۆگەني كوشكين;
كريستينا سيلاەۆا;
ەليزاۆەتا گولۋبەۆا;
نادەجدا موروزوۆا;
ارينا يلياششەنكو.
ايتا كەتەيىك, بۇعان دەيىن مانەرلەپ سىرعاناۋ سپورتىنان ميحايل شايدوروۆ پەن سوفيا سامودەلكينا الەم چەمپيوناتىندا وليمپيادالىق ءنورماتيۆتى ورىنداپ, ەكى جولداما جەڭىپ العان ەدى.
بيىل ەل سپورتىندا قانداي تاريحي جەڭىستەر تىركەلدى؟
سونىمەن قاتار وتاندىق شورت-ترەكشىلەر ەل قورجىنىنا تاعى 9 جولداما سالدى. باپكەرلەر قۇرامىنىڭ شەشىمىمەن ميلاندا دەنيس نيكيشا, ابزال اجىعاليەۆ, ولگا تيحونوۆا جانە يانا حان باق سىنايدى.
وسىلايشا, قازىرگى تاڭدا قازاقستان قۇراماسىنىڭ قورجىنىندا سپورتتىڭ ءۇش تۇرىنەن 23 ليتسەنزيا بار.
وليمپياداعا ارنالعان ناقتى ليتسەنزيا سانى 2026 جىلعى قاڭتار ايىنىڭ سوڭىندا بەلگىلى بولادى. XXV قىسقى وليمپيا ويىندارى 2026 جىلعى 6–22 اقپان كۇندەرى يتاليانىڭ ميلان جانە كورتينا-د’امپەتستسو قالالارىندا وتەدى. وعان الەمنىڭ 93 ەلىنەن 3 500-دەن استام سپورتشى قاتىسادى.