دۋبايدا جازدا كۇن قاتتى ىسىپ كەتەتىندىكتەن, ادامدار كوبىنە ساۋدا ورتالىقتارىندا عانا سەرۋەندەي الادى. بىراق ارابتار تۇرعىندار مەن تۋريستەرىنىڭ جازداعى جاعدايىن ويلاپ, 93 شاقىرىم ساياباق تۋننەل سالماق.
ساياباققا ارنايى سالقىنداتقىشتار ورناتىلادى. وسىلايشا, تۋننەل ىشىندە قولايلى تەمپەراتۋرا بولادى. سونداي-اق جاسىل-جەلەك وتىرعىزىلادى, سپورت الاڭدارى سالىنادى, سكەيتبورد ايماقتارى, تاماق-سۋ ساتىلاتىن ورىندار مەن دەمالۋعا ارنالعان ورىندىقتار دا جوسپارلانعان. جوبانى «URB» ساۋلەت ستۋدياسى ازىرلەگەن. ەندى بۇل جەر دۋبايدىڭ نەگىزگى دەمالىس ايماعىنا اينالادى. قالا بيلىگىنىڭ جوسپارى بويىنشا, بولاشاقتا تۇرعىنداردىڭ 80 پايىزى وسى جابىق جول ارقىلى جۇرەدى.