وتاندىق تاۋار وندىرۋشىلەردى جۇيەلى تىركەۋدىڭ جاڭا كەزەڭى باستالدى. الدىمەن قولدانىستاعى يندۋستريالىق سەرتيفيكاتى بار كومپانيالار بىرىڭعاي تىزىلىمگە قوسىلادى. بۇل وتاندىق ءوندىرىستى ناقتى دەرەككە سۇيەنىپ ايقىنداۋعا جول اشادى, دەپ جازادى Egemen.kz.
وسى ماقساتتا ونەركاسىپ جانە قۇرىلىس مينيسترلىگى, قارجى مينيسترلىگى جانە اتامەكەن ۇلتتىق كاسىپكەرلەر پالاتاسى يندۋستريالىق سەرتيفيكات يەلەرىن قازاقستاندىق تاۋار وندىرۋشىلەر تىزىلىمىنە ەنگىزۋ جونىندەگى جول كارتاسىنا قول قويدى.
قولدانىستاعى يندۋستريالىق سەرتيفيكاتى بار كاسىپورىندار اتامەكەن ۇكپ ۇسىنعان دەرەكتەر نەگىزىندە تەحنيكالىق وپەراتور – ەلەكتروندىق قارجى ورتالىعى ارقىلى اۆتوماتتى تۇردە تىزىلىمگە ەنگىزىلەدى.
الايدا كومپانيالار ءوز مارتەبەسىن ساقتاۋ ءۇشىن 2026 جىلعى 30 قاڭتارعا دەيىن جۇيەدە قاجەتتى مالىمەتتەردى تولتىرىپ, ءوتىنىم تاپسىرۋى جانە تسيفرلىق تەكسەرۋدەن ءوتۋى ءتيىس. بۇل تالاپتار ورىندالماسا, كاسىپورىن تىزىلىمنەن شىعارىلادى.
مارتەبەنى ساقتاۋدىڭ باستى شارتى – ناقتى وندىرىستىك قىزمەتتىڭ دالەلدەنۋى. سونىمەن بىرگە يندۋستريالىق سەرتيفيكاتى جوق وزگە كومپانيالار دا ءوتىنىم بەرىپ, قاجەتتى تەحنولوگيالىق وپەراتسيالاردىڭ ورىندالۋىن راستاي السا, تىزىلىمگە ەنۋ مۇمكىندىگىنە يە.
جاڭا ءتارتىپ وتاندىق ءوندىرۋشىنى انىقتاۋدا اشىقتىقتى كۇشەيتىپ, مەملەكەتتىك قولداۋ تەتىكتەرىن ناقتى ءوندىرىس سۋبەكتىلەرىنە باعىتتاۋعا مۇمكىندىك بەرەدى.