برازيليا نارىعىنان تاڭدالعان ويىنشىلار
الماتىلىق ۇجىمنىڭ باسشىلىعى برازيليالىق بىرنەشە ويىنشىمەن كەلىسىمگە كەلگەن, الايدا ولاردىڭ ەسىمدەرى ازىرگە قۇپيا. بەلگىلى بولعانداي, جاڭادان قوسىلاتىن ويىنشىلاردىڭ ءبىرى – قاقپاشى, ال ەكىنشىسى – امبەباپ الاڭ ويىنشىسى. جاڭا قاقپاشىنى شاقىرۋعا قازىرگى گولكيپەر جواو پاۋلونىڭ اياقپەن ويناۋ مۇمكىندىگىنىڭ شەكتەۋلىلىگى سەبەپ بولعان. بۇل قازىرگى زامانعى فۋتزال ۇلگىسىندە كوماندانىڭ شابۋىلداعى تيىمدىلىگىن تومەندەتەدى دەپ ەسەپتەلەدى. ال ەكىنشى ويىنشى ارگەنتينا قۇراماسىنىڭ بۇرىنعى مۇشەسى كەۆين اريەتتانىڭ ورنىن باسۋى ءتيىس.
شيرەك فينالداعى قارسىلاس – «كارتاحەنا»
ەستەرىڭىزگە سالا كەتەيىك, «قايرات» چەمپيوندار ليگاسىنىڭ شيرەك فينالىنا 5 جەلتوقساندا الماتىدا وتكەن ماتچتا بەلگيالىق «سپورتينگ-اندەرلەحتتى» 5:3 ەسەبىمەن جەڭىپ جولداما العان بولاتىن. ەندى 1/4 فينالدا وتاندىق كلۋب يسپانيانىڭ «كارتاحەنا» كومانداسىمەن كەزدەسەدى. بىلتىرعى ماۋسىمدا الماتىلىقتار بۇل ۇجىمدى جارتىلاي فينالدا 3:2 ەسەبىمەن قاپى قالدىرعان ەدى.
تۋرنير كەستەسى
ەۋروكۋبوك دوداسىنىڭ شيرەك فينالدىق العاشقى ويىندارى 2025 جىلدىڭ 23 اقپانىندا, ال قارىمتا كەزدەسۋلەر 6 ناۋرىزدا وتەدى. بۇل كەزەڭنەن وتكەن كوماندالار 8 جانە 10 مامىر كۇندەرى يتاليانىڭ پەزارو قالاسىندا وتەتىن فينالدىق كەزەڭدە باق سىنايدى.