مەملەكەت باسشىسىنىڭ تاپسىرماسى اياسىندا اتقارىلعان جۇمىستاردىڭ ناتيجەسىندە وبلىستىڭ ەڭ قيىر شەتىندەگى اۋىلدارعا دەيىن تازا سۋ باردى. اتاپ ايتقاندا, ارال قالاسىنان 120 شاقىرىم قاشىقتىقتا, قۇم جيەگىندە ورنالاسقان اقباستى اۋىلىنا دا ورتالىقتاندىرىلعان سۋ جۇيەسى تارتىلدى. وسىلايشا, وڭىردەگى سۋ ماسەلەسى تولىقتاي تاريح قويناۋىنا كەتتى.
تۇرعىنداردىڭ كوپجىلدىق ءوتىنىشى بولعان كوپقاباتتى ۇيلەرگە ىستىق سۋ بەرۋ ماسەلەسى دە قارقىندى شەشىلىپ جاتىر. وسى ماقساتقا 26 ملرد 200 ملن تەڭگە ءبولىنىپ, 423 تۇرعىن ءۇيدى قامتيتىن ۇلكەن جوبا باستالدى:
ءبىرىنشى كەزەڭ: 2024 جىلى 186 ءۇي ىستىق سۋعا تولىق قوسىلدى (11 ملرد تەڭگە ءبولىندى). ەكىنشى كەزەڭ: قالعان 237 ءۇيدى قامتۋ ءۇشىن 15,2 ملرد تەڭگە قاراستىرىلعان. قازىرگى تاڭدا 61 ۇيگە سۋ جەتكىزىلسە, ارناۋلى مەملەكەتتىك قوردىڭ قولداۋىمەن قالعان نىسانداردا جۇمىس قىزىپ جاتىر.ينفراقۇرىلىمدى جاقسارتۋ تەك سۋمەن شەكتەلمەيدى. 2022-2024 جىلدار ارالىعىندا «اۋىل – ەل بەسىگى» جوباسى اياسىندا 31 ملرد 600 ملن تەڭگە يگەرىلدى. بۇل قارجىعا 78 اۋىلدا الەۋمەتتىك نىساندار مەن ينجەنەرلىك جەلىلەردى جاڭعىرتقان 343 جوبا جۇزەگە اسىرىلىپ, اۋىل ءومىرىنىڭ ساپاسى جاڭا دەڭگەيگە كوتەرىلدى.