تۇركيادا ۇلتتىق ءماجىلىس دەپۋتاتتارى 2026 جىلعا ارنالعان مەملەكەتتىك بيۋدجەتتى تالقىلاۋعا ارنالعان وتىرىستا جانجالداسىپ قالدى. اۋەلگى ۇرىس-كەرىس رەسپۋبليكالىق حالىق پارتياسى توراعاسىنىڭ ورىنباسارى مۇرات ەمير بۋرسا مەن ادىلەت جانە دامۋ پارتياسىنىڭ دەپۋتاتى مۇستافا ۆارانك اراسىندا باستالعان, دەپ جازادى Egemen.kz.
ەكەۋارا جانجال تەز ارادا ۇلعايىپ, پارلامەنتتىڭ باسقا مۇشەلەرى دە جاعا جىرتىسقان.
جانجال وزگە دەپۋتاتتاردىڭ ارالاسۋىمەن توقتاتىلعان.
كەلىسپەۋشىلىككە قاراماستان 2026 جىلعا ارنالعان ورتالىق مەملەكەتتىك بيۋدجەت جانە 2024 جىلعا ارنالعان قورىتىندى ەسەپ تۋرالى زاڭ جوبالارى بەكىتىلگەن.
زاڭ جوبالارىن 320 دەپۋتات قولداپ, 249-ى قارسى داۋىس بەرگەن.
تۇركيا پارلامەنتىنىڭ توراعاسى نۋمان كۋرتۋلمۋش كۇن تارتىبىندەگى وزگە دە ماسەلەلەردى تالقىلاۋ ءۇشىن وتىرىستى 22 جەلتوقسان ساعات 14.00-گە دەيىن توقتاتۋعا شەشىم قابىلداعان.