باتىس قازاقستان وبلىسى ورال قالاسىندا «كەلەشەك مەكتەپتەرى» ۇلتتىق جوباسى اياسىندا 600 ورىندىق جاڭا مەكتەپ عيماراتى پايدالانۋعا بەرىلدى, دەپ حابارلايدى Egemen.kz.
ورال قالاسىنىڭ زاشاعان كەنتىندە مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس جۇزەگە اسىرىلىپ جاتقان «كەلەشەك مەكتەپتەرى» ۇلتتىق جوباسى اياسىندا 600 ورىنعا ارنالعان جاڭا ءبىلىم بەرۋ ۇيىمى پايدالانۋعا بەرىلدى. بۇل وسى جوبا اياسىندا ورال قالاسىندا سالىنعان ءۇشىنشى مەكتەپ.
مەكتەپتىڭ اشىلۋ سالتاناتىنا باتىس قازاقستان وبلىسىنىڭ اكىمى ناريمان تورەعاليەۆ, وبلىستىق ءبىلىم باسقارماسىنىڭ باسشىسى ەلدوس سافۋللين, وبلىستىق ءماسليحات دەپۋتاتتارى, ءبىلىم سالاسىنىڭ ارداگەرلەرى, مەكتەپ ديرەكتورلارى, مەردىگەر ۇيىم وكىلدەرى, اتا-انالار مەن وقۋشىلار قاتىستى.
«مەملەكەت باسشىسى قاسىم-جومارت توقاەۆ ء«بىلىمدى ءارى سانالى ۇرپاق تاربيەلەۋ – اسا ماڭىزدى مەملەكەتتىك مىندەت» دەگەن بولاتىن. «كەلەشەك مەكتەپتەرى» جوباسى وسكەلەڭ ۇرپاققا جاسالعان ۇلكەن قامقورلىقتىڭ جارقىن ۇلگىسى» دەدى ءوز سوزىندە وبلىس اكىمى.
600 ورىنعا ەسەپتەلگەن جاڭا ءبىلىم وشاعىندا 33 وقۋ كابينەتى, ديزاين-تەحنولوگيا, روبوتوتەحنيكا, ينكليۋزيۆتى ءبىلىم بەرۋ كابينەتتەرى, حورەوگرافيا زالى, شىعارماشىلىق جانە تەحنيكالىق باعىتتاعى شەبەرحانالار جۇمىس ىستەپ تۇر. سونىمەن قاتار, ەكى سپورت زالى, زاماناۋي كىتاپحانا, بىرنەشە كوۆوركينگ الاڭى, 130 ورىندىق اكت زالى جانە 176 ورىندىق اسحانا تولىق جۇمىس ىستەۋگە دايىن.
جاڭا مەكتەپتىڭ اشىلۋىنا قۋانعان جان كوپ. ويتكەنى وسى وڭىردەگى ءا.مولداعۇلوۆا اتىنداعى №38 مەكتەپ-ليتسەيى ءۇش اۋىسىمدا جۇمىس ىستەپ تۇرعان بولاتىن. بۇيىرسا جاڭا مەكتەپكە 1272 وقۋشى كوشىرىلىپ, 91 پەداگوگ اۋىسادى دەپ جوسپارلانعان.
ايتا كەتەيىك, سوڭعى ءۇش جىلدا وبلىستا 9806 ورىنعا ارنالعان 28 مەكتەپ سالىندى. ونىڭ ىشىندە «كەلەشەك مەكتەبى» جوباسى اياسىندا 6900 ورىندىق 7 مەكتەپ پايدالانۋعا بەرىلدى.