وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرى تاسوتكەل اۋىلىنان 8 شاقىرىم قاشىقتىقتا شۋ اۋدانىنىڭ تۇرعىنىن ەسىرتكى وسىمدىگىن جيناپ جۇرگەن جەرىنەن ۇستادى, دەپ حابارلايدى Egemen.kz.
بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى مالىمدەدى. تەرگەۋ بارىسىندا ەر ادامنىڭ جانىنان وراق جانە الدىن الا جيناپ قويعان جالپى سالماعى 15 كەلىدەن استام ماريحۋانا تابىلدى.
اتالعان دەرەككە قاتىستى قىلمىستىق كودەكستىڭ «ەسىرتكى قۇرالدارىن, پسيحوتروپتىق زاتتار مەن ولاردىڭ انالوگتارىن اسا ءىرى مولشەردە وتكىزۋ ماقساتىنسىز زاڭسىز دايىنداۋ, وڭدەۋ, ساتىپ الۋ, ساقتاۋ جانە تاسىمالداۋ» بابى بويىنشا سوتقا دەيىنگى تەرگەۋ باستالدى.
جالپى 11 ايدا ەسىرتكىگە قاتىستى 500 قۇقىق بۇزۋشىلىق انىقتالىپ, زاڭسىز اينالىمنان 9 توننا 221 كەلى ءتۇرلى ەسىرتكى زاتتارى, ونىڭ ىشىندە 9 كيلوگرامم سينتەتيكالىق ەسىرتكىنىڭ جولى كەسىلدى.
«شۋ القابىنان» رەسپۋبليكانىڭ باسقا ايماقتارىنا جىبەرىلمەك بولعان 18 ەسىرتكى كانالىنىڭ جولى جابىلدى. 2 قىلمىستىق توپ انىقتالىپ, 1 ەسىرتكى لابوراتورياسى جويىلدى.