بيىلعى جىلدىڭ ءۇشىنشى توقسانىندا ازاماتتاردىڭ ورتاشا شىعىنى جان باسىنا شاققاندا 324,5 مىڭ تەڭگەنى (ايىنا 108,2 مىڭ تەڭگە) قۇرادى. ۇلتتىق ستاتيستيكا بيۋروسىنىڭ مالىمەتىنشە, ەل تۇرعىندارى تابىسىنىڭ باسىم بولىگىن, ياعني 52,3%-ىن ازىق-ت ۇلىك ساتىپ الۋعا جۇمسايدى. كەيبىر وڭىرلەردە بۇل كورسەتكىش 60%-دان اسادى, دەپ حابارلايدى Egemen.kz.
ستاتيستيكالىق دەرەكتەرگە سۇيەنسەك, ءۇشىنشى توقساندا ءبىر ادامنىڭ ورتاشا تابىسى 364,6 مىڭ تەڭگەگە جەتكەن. الايدا, وسى قاراجاتتىڭ ەداۋىر بولىگى كۇندەلىكتى قاجەتتىلىكتەرگە جۇمسالادى. اتاپ ايتقاندا:
ازىق-ت ۇلىككە: 169 مىڭ تەڭگە (شىعىننىڭ 52,3%-ى); ازىق-ت ۇلىك ەمەس تاۋارلارعا: 69 مىڭ تەڭگە (21,3%); اقىلى قىزمەتتەرگە: 58 مىڭ تەڭگە (17,9%). ونىڭ ىشىندە كوممۋنالدىق تولەمدەر ايىنا شامامەن 4,9 مىڭ تەڭگەنى قۇرايدى.كەيبىر ايماقتاردا تۇرعىنداردىڭ ازىق-ت ۇلىككە جۇمسايتىن قاراجاتى جالپى شىعىندارىنىڭ 60%-نان اسىپ كەتكەن. كوش باسىندا تۇركىستان وبلىسى تۇر: مۇندا بيۋدجەتتىڭ 61,1%-ى (ايىنا 42,9 مىڭ تەڭگە) تاماققا جۇمسالادى. ەكىنشى ورىندا جەتىسۋ وبلىسى – 60,1% (ايىنا 63 مىڭ تەڭگە). ال جامبىل وبلىسىندا بۇل كورسەتكىش 59,7%-دى قۇراسا, شىمكەنت قالاسىندا تۇرعىندار شىعىنىنىڭ 57,9%-ى اس-اۋقاتقا كەتەدى.
ازىق-ت ۇلىك سەبەتىندەگى شىعىنداردىڭ كوشباسشىسى – ەت ونىمدەرى. ورتاشا ەسەپپەن ەل تۇرعىندارى ايىنا ەتكە 18 مىڭ تەڭگە جۇمسايدى (بۇل تاماققا كەتەتىن بارلىق شىعىننىڭ 35%-ى). ودان كەيىنگى ورىنداردا نان مەن جارما ونىمدەرى (7,5 مىڭ تەڭگە) جانە ءسۇت ونىمدەرى (5,5 مىڭ تەڭگە) تۇر.