مەملەكەت باسشىسى قاسىم-جومارت توقاەۆ جاپونيا مەتالل جانە ەنەرگەتيكالىق قاۋىپسىزدىك جونىندەگى ۇيىمىنىڭ (JOGMEC) توراعاسى يچيرو تاكاحارۋدى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەزدەسۋدە گەولوگيالىق بارلاۋ, اسا ماڭىزدى مينەرالداردى ءوندىرۋ جانە وڭدەۋ, سونداي-اق تابيعي رەسۋرستاردى ورنىقتى باسقارۋ باعىتتارىنداعى ىنتىماقتاستىق پەرسپەكتيۆاسى تالقىلاندى.
مەملەكەت باسشىسى JOGMEC كومپانياسىنىڭ قازاقستاندا جوبالاردى جۇزەگە اسىرۋعا قىزىعۋشىلىق تانىتىپ وتىرعانىن جوعارى باعالادى.
سونىمەن قاتار اڭگىمەلەسۋ بارىسىندا ۇيىمنىڭ ەلىمىزدەگى گەولوگيالىق بارلاۋ جوبالارىنا قاتىسۋ جانە وكىلدىك اشۋ مۇمكىندىكتەرى قاراستىرىلدى.
پرەزيدەنتتىڭ پىكىرىنشە, بۇل بىرلەسكەن جوبالاردى ءتيىمدى ۇيلەستىرۋگە, سونداي-اق جاپونيانىڭ وندىرىستىك جانە تەحنولوگيالىق كومپانيالارىنىڭ قازاقستان نارىعىنا كوپتەپ كەلۋىنە ىقپال ەتەدى.