يتاليانىڭ سولتۇستىگىندەگى ستەلۆيو ۇلتتىق ساياباعى اۋماعىنان مىڭداعان دينوزاۆر ءىزى تابىلدى. BBC اگەنتتىگىنىڭ حابارلاۋىنشا, كەيبىر ىزدەردىڭ ديامەترى 40 سانتيمەترگە دەيىن جەتەدى. عالىمدار بۇل تاڭبالار شامامەن 210 ميلليون جىل بۇرىن قالعان دەپ ەسەپتەيدى.
مۇنى العاش بايقاعان اۋەسقوي فوتوگراف ەليو دەللا فەررەرا. ول وتكەن جىلدىڭ قىركۇيەگىندە ميلاننىڭ سولتۇستىك-شىعىسىنداعى تاۋلى وڭىردەن, كوزگە ارەڭ ىلىنەتىن بەدەرلەردى سۋرەتكە ءتۇسىرىپ, ماماندارعا جەتكىزگەن. كەيىن پالەونتولوگ كريستيانۋ دال ساسسو باستاعان زەرتتەۋشىلەر بۇل جەردىڭ ناعىز عىلىمي قازىنا ەكەنىن راستادى. ىزدەردەن وتكىر تىرناقتىڭ بەلگىلەرى انىق بايقالادى. ۇزىندىعى 10 مەترگە دەيىن جەتكەن جانۋارلار كوبىنە ەكى اياقپەن جۇرگەن, بىراق كەيبىر تۇستاردا الدىڭعى اياقتارىنىڭ ءىزى دە كەزدەسەدى.