12-13 قاراشا ارالىعىندا شىمكەنت قالاسىندا تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى, شىمكەنت قالاسى اكىمدىگىنىڭ قولداۋىمەن تەڭگە ىلۋدەن فەدەراتسيا كۋبوگى ءوتتى, دەپ جازادى Egemen.kz.
جارىستىڭ باس سەرىكتەسى – «سامۇرىق قازىنا» اق, ال, سەرىكتەسى «Sportqory» سپورتتى قولداۋ قورى جانە «AlemAgro» كومپانياسى.
كۋبوكتىڭ ۇيىمداستىرۋشىلارى – «تەڭگە ءىلۋ» فەدەراتسياسى» رقب, شىمكەنت قالاسىنىڭ دەنە شىنىقتىرۋ جانە سپورت باسقارماسى.
جارىسقا 18-گە تولعان جانە ودان جوعارى جاس ارالىعىنداعى 30 سپورتشى قاتىستى.
جارىستا «جەتى قۇت», «بەس بەلەس», «قوس قۇلاش» ستيلدەرى بويىنشا سپورتشىلار سىنعا ءتۇسىپ, ۇزدىكتەر انىقتالدى. جارىستىڭ باستى ەرەكشەلىگى 3 ستيل بويىنشا ۇزدىكتەر جارىسىپ, ۇزدىك تەڭگە ءىلۋشى انىقتالدى. ۇزدىك تەڭگە ءىلۋشى – شىمكەنت قالاسىنىڭ سپورتشىسى ءتولتاي باقىت اتانىپ, ءوزىنىڭ شەبەرلىگىن دالەلدەدى.
اتالعان جارىس, تۇڭعىش رەت وتۋدە جانە ءار جىل سايىن وتكىزۋ جوسپارلانۋدا. بۇل جارىس سپورتشىلار ءۇشىن وزدەرىنىڭ مىقتىلىعىن دالەلدەۋگە زور مۇمكىندىك. جارىستىڭ تۇراقتى تۇردە ءوتۋى تەڭگە ءىلۋ سپورتىنىڭ دامۋىنا وڭ سەپتىگىن تيگىزۋدە.
تەڭگە ءىلۋ فەدەراتسياسىنا پرەزيدەنت بولىپ 2023 جىلى قاڭتار ايىندا امانگەلدى اقباتىر ۇلى سايلانىپ, تەڭگە ءىلۋ سپورتى جىلدان-جىلعا دەڭگەيى كوتەرىلۋدە, سەبەبى 2023 جىلدان بەرى جاڭا باسشىلىقپەن 3 رەت ازيا كۋبوگى, 1 رەت ازيا چەمپيوناتى جانە 1 رەت الەم چەمپيوناتى ۇيىمداستىرىلىپ حالىقارالىق جارىستار سانى كوبەيۋدە.
ۇلتتىق سپورتىمىز تەڭگە ءىلۋ 2026 جىلى قىرعىز ەلىندە وتەتىن كوشپەندىلەر ويىنىنىڭ تىزىمىنە كىرگەنىن حابارلايمىز.