امەريكالىق OpenAI كومپانياسى جاساندى ينتەللەكت كومەگىمەن سۋرەت سالۋعا ارنالعان ChatGPT Images مودەلىن تانىستىردى. جاڭا قۇرالدىڭ جۇمىس ىستەۋ جىلدامدىعى ءتورت ەسە ارتىپ, 16 جەلتوقساننان باستاپ بارلىق پايدالانۋشىلارعا قولجەتىمدى بولدى, دەپ حابارلايدى Egemen.kz.
OpenAI وكىلدەرىنىڭ مالىمدەۋىنشە, ChatGPT Images مودەلى سۋرەتتەردى وڭدەۋدە جوعارى دالدىكتى قامتاماسىز ەتىپ, ۇساق دەتالداردى انىق ساقتاۋعا مۇمكىندىك بەرەدى. بۇل مودەلدىڭ باستى ەرەكشەلىگى – ونىڭ ونىمدىلىگى الدىڭعى نۇسقالارمەن سالىستىرعاندا ءتورت ەسە جىلدامداتىلعان. پايدالانۋشىلار ءۇشىن سۋرەتپەن جۇمىس ىستەۋ ينتەرفەيسى دە جاڭارتىلىپ, سۋرەتتىڭ ناقتى بولىكتەرىن بەلگىلەپ وڭدەۋ فۋنكتسياسى قوسىلعان.
ء«بىزدىڭ باستى ماقساتىمىز – پايدالانۋشىلارعا تەك سۋرەت سالىپ قانا قويماي, ونى زەرگەرلىك دالدىكپەن باسقارۋعا مۇمكىندىك بەرۋ. ChatGPT Images جىلدامدىعى مەن فۋنكتسيونالدىعى جاعىنان ايتارلىقتاي العا جىلجىدى. ەندى كرەاتيۆتى يدەيالاردى جۇزەگە اسىرۋ ۇدەرىسى بۇرىنعىدان دا وڭاي ءارى جەدەل بولادى», دەلىنگەن حابارلامادا.
قازىرگى ۋاقىتتا جاڭا مۇمكىندىك كوپشىلىككە اشىق بولعانىمەن, كورپوراتيۆتىك كليەنتتەر ءۇشىن قولجەتىمدىلىك كەيىنىرەك جوسپارلانعان.