الماتىدا تيمۋر ق ۇلىباەۆقا تيەسىلى كومپانيالار سالعان بيزنەس-ورتالىقتىڭ تاعدىرى قايتادان كۇن تارتىبىنە شىقتى. ءماجىلىس دەپۋتاتى باقىتجان بازاربەك سوت شەشىمىمەن مەملەكەت مەنشىگىنە قايتارىلعان جەر ۋچاسكەسىندەگى عيماراتتى ءسۇرۋ ماسەلەسى كوتەرىلەتىنىن مالىمدەدى, دەپ جازادى Egemen.kz.
دەپۋتاتتىڭ ايتۋىنشا, جوعارعى سوت ءبىرىنشى ساتىداعى جانە اپەللياتسيالىق القانىڭ شەشىمدەرىن وزگەرىسسىز قالدىرعان. وسىلايشا, ءال-فارابي اتىنداعى قازاق ۇلتتىق ۋنيۆەرسيتەتىنە تيەسىلى بولعان جەر رەسمي تۇردە مەملەكەت مەنشىگىنە ءوتتى.
«ەندى تيمۋر جانە دينارا ق ۇلىباەۆتارعا تيەسىلى «Omirex» پەن «Atlas Development» سەرىكتەستىكتەرى ەكى جولدىڭ ءبىرىن تاڭداۋى كەرەك. زاڭعا سايكەس, بيزنەس-ورتالىقتى وزدەرى ءسۇرىپ تاستايدى نەمەسە ونى قازۇۋ-دىڭ بالانسىنا بەرەدى. مەن بۇل ماسەلەنى ءماجىلىس مىنبەرىنەن بىرنەشە رەت كوتەردىم. عيمارات ستۋدەنتتەرگە قىزمەت ەتسە دەگەن ۇسىنىس ايتىلدى. الايدا كومپانيالار ۋنيۆەرسيتەتكە بەرۋدەن باس تارتىپ وتىر. كەرىسىنشە, جەرگىلىكتى اتقارۋشى ورگاننان شىعىندى وتەۋدى تالاپ ەتىپ, جەر قاتىناستارى باسقارماسىنا ارىز تۇسىرگەن», دەدى باقىتجان بازاربەك ءماجىلىستىڭ Instagram پاراقشاسىندا وتكەن تىكەلەي ەفيردە.
ونىڭ سوزىنشە, ەگەر جەر تەلىمى بوساتىلماسا, نىسان مەملەكەتكە قايتارىلماسا نەمەسە ءوز ەركىمەن سۇرىلمەسە, ماجىلىستە سوت شەشىمى ارقىلى ماجبۇرلەپ ءسۇرۋ ماسەلەسىن كوتەرۋگە نيەتتى.
«زاڭ بارىنە ورتاق», دەدى دەپۋتات.
ەسكە سالساق, 2022 جىلدىڭ قازان ايىندا الماتى قالاسى بويىنشا جەر رەسۋرستارىن باسقارۋ كوميتەتىنىڭ دەپارتامەنتى ءال-فارابي اتىنداعى قازۇۋ اۋماعىنىڭ ءبىر بولىگىن يەلىكتەن شىعارۋ زاڭدىلىعىنا تەكسەرۋ جۇرگىزگەن. ناتيجەسىندە قالا اكىمدىگى ءتيىستى قاۋلىنى زاڭسىز قابىلداعانى انىقتالعان.
بۇعان دەيىن باقىتجان بازاربەك تيمۋر ق ۇلىباەۆقا تيەسىلى كومپانيالار الماتى اكىمدىگىنەن بيزنەس-ورتالىق قۇرىلىسىنا جۇمسالعان 34 ملرد تەڭگەنى ءوندىرىپ الۋدى كوزدەپ وتىرعانىن مالىمدەگەن ەدى.