اقمولا وبلىسىندا قارلى بوران سالدارىنان جولدا قالىپ قويعان التى ادامعا قۇتقارۋشىلار كومەك كورسەتتى. ابىروي بولعاندا زارداپ شەككەندەر جوق, دەپ جازادى Egemen.kz.
توتەنشە جاعدايلار مينيسترلىگىنىڭ مالىمەتىنشە, وقيعا تۇنگى ۋاقىتتا جارقايىڭ اۋدانىندا بولعان. قوستاناي وبلىسىنىڭ شەكاراسىنان دەرجاۆينسك قالاسى باعىتىنا جولعا شىققان جەڭىل كولىك قارلى جولدان شىعىپ, دالاعا ءتۇسىپ كەتكەن. جولسىز جەردە قالعان جولاۋشىلار باعىت-باعدارىن جوعالتىپ, ءوز بەتىمەن شىعا الماعان.
وقيعا ورنىنا جەدەل جەتكەن قۇتقارۋشىلار التى ادامدى كولىكتەن ەۆاكۋاتسيالاپ, جىلىتۋ پۋنكتىنە ورنالاستىردى.
تجم وكىلدەرى قىس مەزگىلىندە جولعا شىعاردا ساقتىق شارالارىن قاتاڭ ساقتاۋعا شاقىردى. اۋا رايىنىڭ كۇرت وزگەرۋى مەن جولداعى قولايسىز جاعدايلاردى ەسكەرىپ, الىس ساپاردى الدىن الا جوسپارلاۋ قاجەتتىگىن ەسكەرتتى.