گارۆاردتاعى دالا كونستيتۋتسياسىنىڭ ءدارىسى

اتالعان ءدارىس بارىسىندا ەلى­مىزدىڭ 560 جىلدىق كونس­تيتۋ­تسيا­لىق دامۋ تاريحى ءسوز بولدى. دالا كونستيتۋتسياسىنان (قا­سىم حان, ەسىم حان, تاۋكە حان­داردىڭ ادەت قۇقىعى كودەكستەرى) باستاپ جاڭا قازاقستان ءداۋىرىنىڭ قازىرگى رەفور­ما­لارىنا دەيىن قاتى­سۋشىلارعا ەگجەي-تەگ­جەي ءتۇسىن­دى­رىلدى. دارىستە قازاق مەم­لەكەتتىلىگىنىڭ قا­لىپ­تاسۋىنىڭ نەگىزگى كەزەڭ­دەرى, حاندار مەن سۇلتانداردىڭ, بيلەر مەن ۇلتتىق زيالى قاۋىمنىڭ ءرولى ايقىندالدى. سونىڭ ارقاسىندا قازاق حالقى ەلدىگىمىزدى ساقتاپ, ەڭ اۋىر سىناقتاردان وتە العانى ايتىلدى.

بەس تاريحي كەزەڭ بەل­گىلەنىپ, قازاقستاندىق كونستيتۋتسيوناليزمنىڭ 12 نەگىزگى دەرەكتى تىرەگى ۇسىنىلدى. سپيكەردىڭ پىكىرىنشە, قازىرگى كە­زەڭنىڭ باستى قۇقىقتىق جەتىستىگىنە اينالعان كونس­تيتۋتسيالىق سوت­تىڭ جاندانۋىن قوسا العاندا, ەلىمىزدىڭ كون­س­تي­تۋتسيالىق جاڭعى­رۋىنىڭ جاڭا كەزەڭىن بەلگىلەگەن 2022 جىلعى كونستيتۋتسيالىق رەفور­ماعا ەرەكشە نازار اۋدارىلدى.

ءمۇسىلىم حاسەنوۆ – 2025–2026 وقۋ جىلىندا گارۆارد ۋنيۆەرسيتەتىنىڭ دەۆيس ورتالىعىندا «بولا­شاق» باعدارلاماسى اياسىنداعى عىلىمي تاعى­لىمدامادان وتۋگە شا­قىرىلعان عالىم. ول ورتالىق ازياداعى قۇ­قىق­­تىق رەفورمالار مەن قۇقىق ۇستەمدىگىنە ارنال­عان زەرتتەۋ جۇرگىزىپ ءجۇر.