2025 جىلعى 1 قاراشاداعى جاعداي بويىنشا الەۋمەتتىك-ەڭبەك سالاسىندا جالپى 5,8 ميلليون مەملەكەتتىك قىزمەت كورسەتىلگەن. ونىڭ ىشىندە 3,9 ميلليونى نەمەسە 67,2%-ى ەلەكتروندى تۇردە (سونىڭ ىشىندە 1,6 ميلليونى پرواكتيۆتى فورماتتا), ال 1,9 ميلليونى نەمەسە 32,8%-ى قاعاز تۇرىندە ۇسىنىلعان, دەپ حابارلايدى Egemen.kz.
2025 جىلى «ەلەكتروندىق ۇكىمەت» پورتالىندا ەكى مەملەكەتتىك قىزمەت اۆتوماتتاندىرىلدى.
ءبىرىنشىسى ەسى دۇرىس ەمەس نەمەسە ارەكەت قابىلەتى شەكتەۋلى كامەلەتكە تولعان ازاماتتارعا قامقورشىلىق نەمەسە قورعانشىلىق بەلگىلەۋ. ەكىنشىسى مۇنداي ازاماتتاردىڭ مۇلكىنە يەلىك ەتۋگە, زەينەتاقى, جاردەماقى, الەۋمەتتىك تولەمدەرگە قول جەتكىزۋگە, سونداي-اق سوت شەشىمىمەن ارەكەتكە قابىلەتسىز نەمەسە قابىلەتى شەكتەۋلى دەپ تانىلعان تۇلعالاردىڭ مۇلكىن يەلىكتەن شىعارۋعا رۇقسات بەرۋ.
سونىمەن قاتار eGov-mobile ءموبيلدى قوسىمشاسىنداعى «تسيفرلىق قۇجاتتار» سەرۆيسىندە «قامقورشىلىقتى بەلگىلەۋ تۋرالى مالىمەتتەر» تسيفرلىق قۇجاتى ىسكە قوسىلدى.
مەملەكەتتىك الەۋمەتتىك ساقتاندىرۋ قورىنان (ماسق) الەۋمەتتىك تولەمدەردى اۆتوماتتى تۇردە تاعايىنداۋ, باس تارتۋ, قايتا ەسەپتەۋ جانە توقتاتۋ بويىنشا قاناتقاقتى جوبا دا ىسكە اسىرىلدى.
بۇرىن بۇل پروتسەستەرگە كەمىندە 8 مامان قاتىسىپ, 3–5 جۇمىس كۇنى كەتەتىن بولسا, قازىر اقپاراتتىق جۇيە بۇل قىزمەتتى 1 جۇمىس كۇنى ىشىندە ورىندايدى.