بۇگىن ورداباسى اۋدانىندا 300 وقۋشىعا ارنالعان مۋزىكا ونەرى مەكتەبىنىڭ سالتاناتتى اشىلۋى ءوتتى. بۇل مەكتەپ مەملەكەتكە قايتارىلعان اكتيۆتەر ەسەبىنەن سالىندى. سونداي-اق مەملەكەت باسشىسىنىڭ تاپسىرماسىن ىسكە اسىرۋ اياسىندا جۇزەگە اسىرىلعان العاشقى الەۋمەتتىك جوبالاردىڭ ءبىرى, دەپ حابارلايدى Egemen.kz.
اشىلۋ سالتاناتىنا باس پروكۋروردىڭ ورىنباسارى عابيت سادىربەكوۆ, تۇركىستان وبلىسىنىڭ پروكۋرورى مۇرات تلەۋبەرديەۆ, تۇركىستان وبلىسى اكىمىنىڭ ءبىرىنشى ورىنباسارى زۇلپىحار جولداسوۆ, سونداي-اق جەرگىلىكتى اتقارۋشى ورگاندار مەن قوعام وكىلدەرى قاتىستى.
زاماناۋي تالاپتارعا ساي سالىنعان جاڭا ءبىلىم بەرۋ مەكتەبى بالالارعا ساپالى مۋزىكالىق ءبىلىم الۋعا مۇمكىندىك بەرەدى, دارىندى بالالاردى حالىقارالىق كونكۋرستارعا دايارلاۋعا جاعداي جاسايدى, سونداي-اق ءوڭىردىڭ مادەني الەۋەتىن نىعايتادى.
مەكتەپتە دومبىرا, قوبىز, فورتەپيانو جانە باسقا دا مۋزىكالىق اسپاپتاردى ۇيرەتۋگە ارنالعان زاماناۋي, ارنايى جابدىقتالعان كابينەتتەر قاراستىرىلعان.
ء«بىز كوكتەمدە قۇرىلىستى باستاپ, ۋاقىت كاپسۋلاسىن سالدىق. ال بۇگىن, نەبارى سەگىز ايدان كەيىن, قۇرىلىس جۇمىستارىنىڭ قانشالىقتى جىلدام جانە ساپالى اياقتالعانىنا كۋا بولىپ وتىرمىز», دەپ اتاپ ءوتتى باس پروكۋروردىڭ ورىنباسارى عابيت سادىربەكوۆ.
قازىرگى ۋاقىتتا قايتارىلعان اكتيۆتەر ەسەبىنەن ۇكىمەتپەن ەلىمىزدىڭ ءتۇرلى وڭىرلەرىندە 434 الەۋمەتتىك نىسان ىسكە اسىرىلىپ جاتىر, ولاردىڭ 30-ى تۇركىستان وبلىسىندا ورنالاسقان.
بۇل جوبالار ءوڭىردىڭ الەۋمەتتىك ينفراقۇرىلىمىن دامىتۋعا جانە حالىقتىڭ ءومىر ساپاسىن جاقسارتۋعا ەلەۋلى ۇلەس قوسادى.