وڭىرلىك تۋريستىك كلاستەردى دامىتۋ جونىندەگى پرەزيدەنت تاپسىرماسىن ورىنداۋ شەڭبەرىندە اۋىل شارۋاشىلىعى مينيسترلىگىنىڭ (اشم) قاراعاندى وبلىسى بويىنشا جەر رەسۋرستارىن باسقارۋ دەپارتامەنتى (جربد) بالقاش كولى جاعالاۋى ماڭىنا جوسپاردان تىس تەكسەرۋ جۇرگىزدى, دەپ جازادى Egemen.kz.
تورانعالىق اۋىلى اۋماعىنان كوپ جىل پايدالانىلماعان 0,5 گەكتار جەر تەلىمى انىقتالعان. اۋماق كاسىپكەرگە دەمالىس ايماعىن اباتتاندىرۋ جانە تۋريستىك قىزمەتتەر كورسەتۋ ءۇشىن بەرىلگەن ەكەن.
جەردى يگەرۋ تۋرالى كاسىپكەرگە بەرىلگەن نۇسقاما ورىندالماعان. دەپارتامەنت كاسىپكەرگە ايىپپۇل سالىپ, جەر ۋچاسكەسىن ءماجبۇرلى تۇردە الىپ قويۋ تۋرالى تالاپپەن سوتقا جۇگىندى.
وبلىستىڭ مامانداندىرىلعان اۋدانارالىق ەكونوميكالىق سوتى جربد تالاپتارىن تولىق قاناعاتتاندىرىپ, جەر تەلىمىن ماجبۇرلەپ الىپ قويۋ جانە ونى كەيىننەن ساۋدا-ساتتىققا (اۋكتسيونعا) قويۋ تۋرالى شەشىم قابىلدادى.
سوت شەشىمى زاڭدى كۇشىنە ەندى.