ۇلتتىق ەكونوميكا مينيسترلىگى قايتا وڭدەۋ ءۇشىن اكەلىنەتىن تاۋارلار تىزبەسىن بەلگىلەۋ تۋرالى بۇيرىقتى بەكىتتى. قۇجاتقا سايكەس, اتالعان تىزىمگە كىرەتىن ونىمدەردى يمپورتتاعان كەزدە سالىق تولەۋشىلەر قوسىلعان قۇن سالىعىن كەيىنگە قالدىرۋ قۇقىعىنا يە بولادى. بۇل نورما سالىق كودەكسىنىڭ 134-بابىنىڭ 2-تارماعىندا بەلگىلەنگەن تالاپتارعا سايكەس ايقىندالدى, دەپ حابارلايدى Egemen.kz.
مينيسترلىكتىڭ مالىمەتىنشە, تىزىمگە قازاقستاندا وندىرىلمەيتىن نەمەسە ىشكى نارىق سۇرانىسىن تولىق قامتي المايتىن, بىراق قايتا وڭدەۋ سالاسى ءۇشىن ماڭىزدى سانالاتىن تاۋارلار ەنگىزىلگەن.
«قابىلدانعان بۇيرىق قايتا وڭدەۋ وندىرىسىنە ارنالعان شيكىزات پەن كومپونەنتتەرگە قول جەتكىزەدى. ققس تولەۋدى كەيىنگە قالدىرۋ كاسىپورىندارعا قاجەتتى تاۋاردى اكەلۋ كەزىندە اينالىم قاراجاتىنان الماۋعا مۇمكىندىك بەرەدى. وسىلايشا ولاردىڭ قارجىسى تۇراقتى بولماق», دەلىنگەن حابارلامادا.
ايتا كەتۋ كەرەك, اتالعان ءتىزىم ەۋرازيالىق ەكونوميكالىق وداققا مۇشە ەلدەردەن يمپورتتالاتىن تاۋارلارعا قولدانىلمايدى.
ققس تولەۋدى كەيىنگە قالدىرۋ ءتارتىبى مەن مەرزىمى سالىق جانە باسقا دا مىندەتتى تولەمدەردى اكىمشىلەندىرۋگە جاۋاپتى ۋاكىلەتتى ورگان بەلگىلەيدى.