استانامىز –
قاسيەتتى ءتورىمىز,
ايبىنىمىز,
ايبات تۇتار ءورىمىز.
جەر-جاھاننىڭ
وعان اۋعان نازارى.
ماقتان تۇتىپ,
ماداقتايمىز ونى ءبىز.
بولاشاعىم –
استانامدا باستالعان,
تۇنەك ءتۇن دە
استانامنان جاسقانعان.
سۇلۋ قالا
ەرتەگىلەر ەلىنەن
جاڭا تۇسە قالعاندايىن
اسپاننان.
اقيقاتىن ايتار بولساق
ناقتىلى,
قازاعىمنىڭ پەيىلىندەي پاكتىگى
استانانى –
باس قالانى تۋعىزعان
پرەزيدەنت نازارباەۆ –
اۆتورى!
استانامىز –
جۇرەكتەردىڭ تولعاۋى,
استانامىز –
ميلليونداردىڭ قولداۋى.
جاس قالامىز,
داستان, اڭىز, استانا
ەلباسىنىڭ بولاشاققا
جولداۋى,
ەلباسىنىڭ ماڭگىلىكتى تاڭداۋى!
قايرات جۇماعاليەۆ. ورال.