مەملەكەت باسشىسىنىڭ جارلىعىمەن رەسپۋبليكا كۇنىنە وراي ەلدىڭ ەكونوميكالىق جانە قوعامدىق ءومىرىنىڭ ءتۇرلى سالالارىن دامىتۋعا ەلەۋلى ۇلەس قوسقان بىرقاتار ازاماتتار ماراپاتتالدى. ولاردىڭ كەيبىرى ماراپات تابىستالار ساتتە ەلىمىزدەن تىس جەردە بولعاندىقتان ناگرادالارىن بۇگىن قولىنا الدى, دەپ جازادى Egemen.kz.
بۇل تۋرالى ءوزىنىڭ الەۋمەتتىك جەلىدەگى پاراقشاسىندا پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا جازدى.
«قۇرمەت» وردەنىمەن كونفەسسياارالىق جانە دىنارالىق ديالوگتىڭ حالىقارالىق ورتالىعى جانىنداعى سەزدىڭ باستامالارىن ىسكە اسىرۋ دەپارتامەنتىنىڭ بۇرىنعى باسشىسى قارلىعاش قاليلاحانوۆا جانە «گرەممي» جۇلدەسىن العان تۇڭعىش قازاقستاندىق مۋزىكانت يمانبەك زەيكەنوۆ ماراپاتتالدى. ال اكتەر, كاسكاديور جانە كاسىبي ارالاس جەكپە-جەك شەبەرى ەركەبۇلان توقتار «قازاقستاننىڭ ەڭبەك سىڭىرگەن قايراتكەرى» اتاعىنا يە بولدى.
ايدا بالاەۆا ماراپات يەلەرىن قۇتتىقتاپ, يگىلىكتى جولداعى قاجىرلى ەڭبەكتەرى ءۇشىن العىس ءبىلدىردى.