اۋا رايىنىڭ قولايسىزدىعىنا بايلانىستى الماتى وبلىسى مەن جامبىل وبلىسىنداعى رەسپۋبليكالىق ماڭىزى بار تاسجولداردا جۇك جانە قوعامدىق كولىك تۇرلەرىنىڭ قوزعالىسىنا شەكتەۋ قويىلىپ وتىر. بۇل تۋرالى «قازاۆتوجول» ۇق» اق-نىڭ ءباسپاسوز قىزمەتى حابارلاپ وتىر, دەپ جازادى Egemen.kz.
الماتى وبلىسىنداعى «الماتى-تالدىقورعان-وسكەمەن-شەمونايحا-رف شەكاراسى» تاسجولىنىڭ 36-67 شاقىرىم ارالىعى, تولەماقى الۋ پۋنكتىنەن قوناەۆ قالاسىنا دەيىن, سونداي-اق «الماتى-شەلەك-قورعاس» تاسجولىنىڭ 24-136 شاقىرىم ارالىعى, تولەماقى الۋ پۋنكتىنەن شەلەك اۋىلىنا دەيىن جۇك جانە قوعامدىق كولىك تۇرلەرىنىڭ قوزعالىسىنا رۇقسات ەتىلمەيدى. شەكتەۋ بۇگىن ساعات 9:00 شاماسىندا ەنگىزىلگەن.
اتالعان جول ۋچاسكەلەرىن شامامەن ساعات 13:00-دە اشۋ جوسپارلانعان.
ال جامبىل وبلىسىنداعى «استانا-قاراعاندى-الماتى» تاسجولىنىڭ 2152-2214 شاقىرىمى ارالىعى, بۇرىلبايتال اۋىلىنان الماتى وبلىسىنىڭ شەكاراسىنا دەيىن كولىكتىڭ بارلىق ءتۇرى ءۇشىن قوزعالىس شەكتەلدى.
بۇل جول بولىگىن دە شامامەن ساعات 13:00-دە اشۋ جوسپارلانىپ وتىر.