اقتوبە قالاسىندا ءوتىپ جاتقان «ۋچاسكە» جەدەل-پروفيلاكتيكالىق ءىس-شاراسى بارىسىندا كوپقاباتتى ۇيلەردىڭ قابىرعالارىنا جازىلعان 44 ەسىرتكى جارناماسى انىقتالىپ, وسى ءىس بويىنشا 27 قىلمىستىق ءىس قوزعالدى. سونداي-اق ماسكۇنەمدەر مەن ناشاقورلاردىڭ بىرىگىپ, ەسىرتكى قابىلداپ, ىشىمدىك ىشۋىنە ءۇي-جايلارىن بەرگەن ەكى پاتەر يەسى قىلمىستىق جاۋاپكەرشىلىككە تارتىلدى, دەپ حابارلايدى Egemen.kz.
ۋچاسكەلىك ينسپەكتورلار ءۇي-جايلاردى ارالاۋ كەزىندە پريتونداردا تۇراقتى تۇردە جينالىپ, ەسىرتكى قابىلدايتىن 139 تۇرعىننىڭ جەكە باستارىن انىقتاپ, ولاردى ىشكى ىستەر ورگاندارىنا ناشاقور ەسەبىندە تىركەۋگە قويدى.
ولاردىڭ اراسىنان 12 ادام ءماجبۇرلى تۇردە ەمدەلەتىن ارناۋلى مەديتسينالىق مەكەمەگە جاتقىزىلدى. «ۋچاسكە» جەدەل-پروفيلاكتيكالىق ءىس-شاراسى ءالى دە جالعاسىپ, ۋچاسكەلىك ينسپەكتورلار وزدەرى بەكىتىلگەن اۋماقتاردى, اسىرەسە قالانىڭ شەتكى بولىكتەرى مەن ساياجاي ۇيلەرىن ارالاپ ءجۇر.
اقتوبە وبلىسى