مەملەكەت باسشىسى قاسىم-جومارت توقاەۆ بۇل تۋرالى قازاقستاننىڭ ۇزدىك تاۋارى» رەسپۋبليكالىق كورمە-كونكۋرسىنىڭ جەڭىمپازدارىن ماراپاتتاۋ راسىمىندە ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«مەن مەملەكەت باسشىسى رەتىندە شاعىن جانە ورتا بيزنەستى دامىتۋعا ايرىقشا ءمان بەرىپ وتىرمىن, نەگىزگى ماسەلەنىڭ ءبارى مەنىڭ جەكە باقىلاۋىمدا. ۇكىمەت كاسىپكەرلىكتى جانداندىرۋ ءۇشىن اۋقىمدى جۇمىس ىستەپ جاتىر, كەدەرگىلەردى جويۋ ءۇشىن ناقتى شارالار قولدانىپ كەلەدى. دەگەنمەن, ءالى دە شەشىمىن تاپپاعان وزەكتى ماسەلەلەر مەن تۇيتكىلدەر از ەمەس, ونى ءبىز اشىق تۇردە مويىندايمىز», دەيدى ق.توقاەۆ.
پرەزيدەنتتىڭ سوزىنشە, ەڭ الدىمەن قوسىلعان قۇنى جوعارى ساپالى ءونىم وندىرەتىن شاعىن بيزنەسكە بارىنشا جاعداي جاسالۋى قاجەت.
«مەملەكەت تاراپىنان ءتيىستى قولداۋ كورسەتە وتىرىپ, كاسىپكەرلەرىمىزدىڭ ءوز ىستەرىن كەڭەيتىپ, جاڭا دەڭگەيگە شىعۋىنا سەرپىن بەرگەن ءجون. مۇنى كاسىپكەرلىكتى دامىتۋ ساياساتىنىڭ ماڭىزدى شارتى دەپ ايتساق, ارتىق بولمايدى», دەيدى مەملەكەت باسشىسى.
ايتا كەتەيىك, بۇگىن «التىن ساپا» جانە «پارىز» سىيلىعىنىڭ لاۋرەاتتارىن, «قازاقستاننىڭ ۇزدىك تاۋارى» رەسپۋبليكالىق كورمە-كونكۋرسىنىڭ جەڭىمپازدارىن ماراپاتتاۋ ءراسىمى باستالدى.