3 جەلتوقاندا ءماجىلىس دەپۋتاتتارى تسيفرلىق ورتاداعى قاتىناستاردى رەتتەيتىن جانە جەكە دەرەكتەردى قورعاۋدى كۇشەيتەتىن تسيفرلىق كودەكس جوباسىن ەكىنشى وقىلىمدا قابىلدادى. زاڭ جوباسىندا تسيفرلىق ورتادا جەكە تۇلعانىڭ, مەملەكەتتىڭ قاۋىپسىزدىگىن ارتتىرۋ تەتىكتەرى قامتىلعان, دەپ حابارلايدى Egemen.kz.
ەندى ەل ازاماتتارى مەملەكەتتىك جۇيەلەردەن وزدەرى تۋرالى اقپاراتتى جويۋعا نەمەسە انونيمدىلىكتى تالاپ ەتۋگە قۇقىلى. سونداي-اق ولار ونىڭ قولدانىلۋىن باقىلاۋدا ۇستاي الادى.
قۇجاتتا ازاماتتار مەن قوعامدىق مۇددەلەردىڭ تەڭگەرىمىن ساقتاۋ جاعى دا قاراستىرىلعان. ەلەكتروندىق قۇجاتتار تۇپنۇسقامەن تەڭەستىرىلىپ, اقپاراتتى قورعاۋ جۇيەلەرى كۇشەيتىلگەن.
بۇدان بولەك زاڭعا سمارت-كەلىسىمشارتتار ۇعىمى ەنگىزىلدى. ول كادىمگى شارتتاردى الماستىرماسا دا, تەك سونىڭ ورىندالۋىن اۆتوماتتاندىرۋ ءۇشىن قولدانىلادى.
پارلامەنت ءماجىلىسىنىڭ توراعاسى ەرلان قوشانوۆتىڭ ايتۋىنشا, قازاقستان تسيفرلى مەملەكەتكە اينالۋ باستاماسىنا ۇلكەن ءبىر قادام جاسادى.
قۇجات سەناتتىڭ قاراۋىنا جولداندى.