قاسىم-جومارت توقاەۆ شەيح مۇحاممەد بەن زايد ءال ناحايان مەن ونىڭ وتانداستارىن بىرىككەن اراب امىرلىكتەرىنىڭ ۇلتتىق مەرەكەسىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى جەدەلحاتتا اراب امىرلىكتەرىنىڭ ورنىقتى دامۋدى قامتاماسىز ەتۋ مەن قاۋىپسىزدىكتى نىعايتۋ جولىنداعى بەدەلى جاھاندىق دەڭگەيدە مويىندالعانىن اتاپ ءوتتى. سونىمەن قاتار ەكى ەل اراسىنداعى ءداستۇرلى دوستىق پەن ءوزارا قولداۋ رۋحىنداعى سان قىرلى ىنتىماقتاستىق حالىقتارىمىزدىڭ يگىلىگى ءۇشىن قارقىندى دامي بەرەتىنىنە سەنىم ءبىلدىردى.
قاسىم-جومارت توقاەۆ شەيح مۇحاممەد بەن زايد ءال ناحاياننىڭ جاۋاپتى قىزمەتىنە تولاعاي تابىس, ال امىرلىكتەر حالقىنا باق-بەرەكە تىلەدى.