شۋدا جاڭا زاۋىت سالىنىپ جاتىر

جاڭا كاسىپورىننىڭ قۇرىلىس جۇمىسىمەن تانىسقان ءوڭىر باسشىسى ەربول قاراشوكەەۆ جامبىل وڭىرىندە حيميا ونەركاسىبىن دامىتۋعا بارىنشا قولداۋ كورسەتىلەتىنىن اتاپ ءوتتى.

«پرەزيدەنت مەملەكەتىمىزدىڭ بولاشاعى مەن الەمدىك ارەناداعى ورنى ەڭ الدىمەن ينۆەستيتسياعا بايلانىستى ەكەنىن ۇنەمى ايتىپ ءجۇر. جاڭا ءوندىرىس وشاقتارىن ىسكە قوسۋ, يننوۆاتسيالىق تەحنولوگيالاردى ەنگىزۋ جانە عىلىمي نەگىزدەلگەن ءونىم شىعارۋ – جامبىل وبلىسىنىڭ الداعى جىلدارداعى باسىم باعىتى بولىپ قالا بەرەدى.

ناتري ءتسيانيدىن ءوندىرۋ جوباسى ءوڭىردىڭ ەكونوميكالىق قۋاتىن ارتتىرىپ, ەلىمىزدىڭ ونەركاسىپتىك الەۋەتىن كۇشەيتەدى. ماڭىزدى باستامانى تابىستى ىسكە اسىراتىنىمىزعا سەنىمدىمىن» – دەيدى ول.

جاڭا كاسىپورىن شۋ اۋدانىنداعى «Jibek Joly» ارنايى ەكونوميكالىق ايماعى اۋماعىندا بوي كوتەرمەك. ءىرى ينۆەستيتسيالىق جوبانى «Altynalmas Reagents» جشس جۇزەگە اسىرىپ جاتىر. جوبانىڭ جالپى قۇنى – 68 ملرد تەڭگە, جىلدىق قۋاتتىلىعى – 25 مىڭ توننا.

جامبىل وبلىسى