Telegram مەسسەندجەرىنىڭ نەگىزىن قالاۋشى پاۆەل دۋروۆ Confidential Compute Open Network پلاتفورماسىن ىسكە قوستى. اتالعان پلاتفورما اقپارات ىزدەۋدە جي مۇمكىندىكتەرىن قولدانۋشىلاردىڭ جەكە دەرەكتەرى مەن قۇپياسىن 100% ساقتاۋعا كەپىلدىك بەرىپ وتىر, دەپ جازادى Egemen.kz.
پاۆەل دۋروۆ جاڭا پلاتفورما Cocoon Amazon, Microsoft سىندى جۇيەلەرگە بالاما بولا الاتىنىن اتاپ ءوتتى. سونداي-اق جەلى Telegram-داعى سويلەمدەردى اۆتوماتتى تۇردە اۋدارۋعا قاتىستى كەي سۇرانىستى وڭدەيتىن بولادى.
«جەلىنى قولدانۋشىلار Microsoft نەمەسە Amazon سياقتى ورتالىقتاندىرىلعان پروۆايدەرلەرگە قاراعاندا تومەن باعامەن ەسەپتەۋ رەسۋرستارىن پايدالانا الادى. قازىردىڭ وزىندە ارنايى ۆەب-سايتتى ىسكە قوستىق. جەلىنى پايدالانۋشىلار جەكە دەرەكتەرىنىڭ ساقتالۋىن وزدەرى باقىلاي الادى», دەدى Telegram مەسسەندجەرىنىڭ نەگىزىن قالاۋشىسى.
بيزنەسمەن جەلىنى پايدالانۋشىلار قاتارىن ارتتىرۋ ماقساتىندا الداعى اپتادا Cocoon-نىڭ فۋنكتسيالىق مۇمكىندىكتەرىن ارتتىرۋدى جوسپارلاپ وتىر.