قاراعاندىنىڭ №2 كوپسالالى اۋرۋحاناسىندا جۇرەكىشىلىك ۋلترادىبىستىق داتچيك قولدانۋ بويىنشا شەبەرلىك ساباعى ءوتتى. بۇعان دەيىن مۇنداي وتالار كەزىندە دارىگەرلەر رەنتگەن-ناۆيگاتسيانى قولدانۋعا ءماجبۇر بولاتىن, سونىڭ سالدارىنان ماماندار دا, ەمدەلۋشىلەر دە ايتارلىقتاي ساۋلەلەنۋگە شالدىعاتىن, دەپ جازادى Egemen.kz.
بۇل جوعارى تەحنولوگيالىق ءادىس بويىنشا شەبەرلىك ساباقتى نوۆوسىبىردەن ارنايى كەلگەن, اريتميانى كاتەتەرلىك ادىسپەن ەمدەۋ جانە Zero-fluoro تەحنولوگياسى بويىنشا ساراپشى يليا ستەنين وتكىزدى.
زاماناۋي وتا مىندەتتى الەۋمەتتىك مەديتسينالىق ساقتاندىرۋ اياسىندا تەگىن جۇرگىزىلەدى. كەزەك كۇتۋ مەرزىمى ءبىر-ەكى ايدى قۇرايدى. مامانداردىڭ ايتۋىنشا, قاراعاندىدا حالىقتىڭ 2-3 پايىزى جۇرەكشەلەر فيبريللياتسياسىنان تۋىنداعان اريتميامەن اۋىرادى, ال جاڭا تەحنولوگيا ولاردىڭ كوبىنە جۇرەك ساۋلىعىن قالپىنا كەلتىرۋگە مۇمكىندىك بەرەدى.
قاراعاندى وبلىسى