مەملەكەت باسشىسى قازاقستان مەن تۇرىكمەنستان ۇكىمەتتەرى اراسىنداعى قىلمىسقا قارسى كۇرەستەگى ىنتىماقتاستىق تۋرالى كەلىسىمدى راتيفيكاتسيالايتىن زاڭعا قول قويدى. قۇجات ەكى ەلدىڭ قۇقىق قورعاۋ ورگاندارى اراسىنداعى اقپارات الماسۋدى, بىرلەسكەن تەرگەۋ شارالارىن جانە ترانسۇلتتىق قىلمىسقا قارسى ءىس-قيمىلدى كۇشەيتۋدى كوزدەيدى, دەپ جازادى Egemen.kz.
سونداي-اق ۇيىمداسقان قىلمىس, ەكسترەميزم, زاڭسىز كوشى-قون, ەسىرتكى اينالىمى جانە باسقا دا قىلمىستىق قاۋىپتەرگە قارسى ورتاق مەحانيزمدەردى جەتىلدىرۋگە مۇمكىندىك بەرەدى.
زاڭنىڭ قابىلدانۋى قازاقستان مەن تۇرىكمەنستان اراسىنداعى قاۋىپسىزدىك سالاسىنداعى ءوزارا ءىس-قيمىلدى جاڭا دەڭگەيگە شىعارىپ, وڭىرلىك تۇراقتىلىقتى نىعايتۋعا باعىتتالعان ماڭىزدى قادام بولىپ سانالادى.