دەپۋتاتتاردىڭ نورماتيۆتىك اكتىلەردى ناقتىلاۋعا جانە ازاماتتار مەن بيزنەستىڭ مۇددەلەرىن قورعاۋدى كۇشەيتۋگە باعىتتالعان ەكىنشى وقىلىمعا قاتىستى ۇسىنىستارىن جۇمىس توبى قولدادى, دەپ جازادى Egemen.kz.
نەگىزگى باستامالاردىڭ قاتارىندا زاڭدى جانە جەكە تۇلعالاردىڭ شوتىنا سىياقى ەسەپتەۋگە تىيىم سالۋدى الىپ تاستاۋ شەشىمى بار.
جەكە تۇلعالاردىڭ بىرنەشە بانكتەن نەمەسە ميكروقارجى ۇيىمىنان ءبىر ساعات ىشىندە نەسيە الۋعا ءوتىنىش بەرۋىنە قويىلعان شەكتەۋ ساقتالدى.
نەسيە بيۋرولارى الاياقتىققا قارسى انتيفرود ورتالىعىنا ەنگىزىلەدى. ولار الاياقتىق ارەكەتتەردى تەكسەرۋ ءۇشىن جەكە تۇلعالاردىڭ ەكى نەمەسە ودان دا كوپ بانككە بەرگەن نەسيە وتىنىمدەرى تۋرالى اقپاراتتى ءبىر ساعات ىشىندە بولىسۋگە مىندەتتەلەدى.
باستاپقى بيومەتريالىق مالىمەتتەردى الۋ جانە ەلەكتروندى تسيفرلىق قولتاڭبانى بەرۋ تەك كليەنتتىڭ جەكە قاتىسۋىمەن جۇزەگە اسىرىلادى.