مەملەكەت باسشىسىنىڭ كولىك ينفراقۇرىلىمىن دامىتۋ جانە ترانزيتتىك الەۋەتتى نىعايتۋ جونىندەگى تاپسىرمالارى شەڭبەرىندە ماڭعىستاۋ وبلىسىندا جاڭا تەڭىز پورتىن سالۋ جوسپارلانىپ وتىر. بۇل تۋرالى بۇگىن ۇكىمەت ءوتىرىسىندا وڭىر اكىمى نۇرداۋلەت قيلىباي باياندادى, دەپ جازادى Egemen.kz.
ينۆەستيتسيالىق جوبانىڭ قۇنى 300 ميلليون دوللارعا باعالانعان. نۇرداۋلەت قيلىبايدىڭ ايتۋىنشا, قازىر جوبانى جۇزەگە اسىراتىن ينۆەستور انىقتالىپ, كەلىسىمگە قول قويۋ ءۇشىن قۇجاتتار ازىرلەنىپ جاتىر.
«جوبا «قىتاي – قازاقستان – اقتاۋ – باكۋ – پوتي – ەۋروپا» جاڭا حالىقارالىق كولىك ءدالىزىن قالىپتاستىرۋعا ىقپال ەتەتىن بولادى. جاڭا تەڭىز پورتى ىسكە قوسىلعاندا جۇكتەردى جەتكىزۋ مەرزىمى 7-15 كۇنگە قىسقارادى. كولىك شىعىندارى 18-25% تومەندەپ, جاڭا جۇمىس ورىندارى قۇرىلادى», دەدى ماڭعىستاۋ وبلىسىنىڭ اكىمى.