جول-كولىك وقيعاسى الماتى–بىشكەك تاس جولىنىڭ 65-شاقىرىمىندا بولعان. سالدارىنان بەس ادام جاراقات الىپ, التى ادام قازا تاپتى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ حابارلاۋىنشا, 23 جاستاعى Audi جۇرگىزۋشىسى كولىكتى باسقارا الماي, Toyota كولىگىمەن سوقتىعىسقان. ەكى جۇرگىزۋشى مەن ءۇش جولاۋشى العان جاراقاتتارىنان وقيعا ورنىندا كوز جۇمدى. تاعى ءبىر جولاۋشى اۋرۋحانادا قايتىس بولدى.
«ودان بولەك بەس جولاۋشى ءتۇرلى دەنە جاراقاتتارىن الىپ, دارىگەرلەردىڭ باقىلاۋىندا جاتىر. قازىرگى ۋاقىتتا بولعان وقيعانىڭ بارلىق ءمان-جايىن انىقتاۋ ماقساتىندا جان-جاقتى تەرگەۋ جۇرگىزىلىپ جاتىر. تەرگەۋ بارىسى الماتى وبلىسى پوليتسيا دەپارتامەنتى باسشىلىعىنىڭ ەرەكشە باقىلاۋىندا», دەلىنگەن حابارلامادا.