اۋىلعا گاز بەرۋ راسىمىنە وبلىس اكىمى مارات احمەتجانوۆ, «QazaqGaz Aimaq» اق باس ديرەكتورى باۋىرجان اسقاروۆ جانە قوياندىلىقتار قاتىستى, دەپ جازادى Egemen.kz.
قوياندى – تسەلينوگراد اۋدانىنداعى ورتالىقتاندىرىلعان گازبەن قامتىلعان التىنشى ەلدى مەكەن. اۋىلعا تارتىلعان گاز قۇبىرىنىڭ ۇزىندىعى 226 شاقىرىمنان اسادى. گاز تارتۋ جۇمىسىنىڭ ناتيجەسىندە 5000 ءۇي كوگىلدىر وتىننىڭ يگىلىگىن كورەدى.
وبلىس اكىمى گاز قۇبىرىن ۇيگە دەيىن تارتۋ ءۇشىن اتاۋلى الەۋمەتتىك جانە تۇرعىن ءۇي كومەگىن الاتىن وتباسىلارعا قارجىلىق قولداۋ كورسەتىلەتىنىن ايتتى.
«پرەزيدەنتتىڭ تاپسىرماسى بويىنشا استانانىڭ اينالاسىنداعى ەلدى مەكەندەردى «سارىارقا» گاز قۇبىرىنىڭ 1-كەزەگىنە قوسۋ ءۇشىن گازداندىرۋ جۇمىستارى جۇرگىزىلىپ جاتىر. قوياندىنى تابيعي گازبەن قامتۋ جوباسى اياسىندا 226 كم گاز تاراتۋ جەلىسى سالىنىپ, 12 گاز تاراتۋ پۋنكتى ورناتىلدى. وسىلايشا 21 مىڭ ادام تابيعي گازبەن قامتىلدى. ال اتاۋلى الەۋمەتتىك جانە تۇرعىن ءۇي كومەگىن الاتىن وتباسىلار گاز قۇبىرىن ۇيىنە جەتكىزۋ ءۇشىن 70 اەك-كە دەيىنگى مولشەردە قارجى بەرىلەدى», دەدى مارات احمەتجانوۆ.
ايتا كەتەيىك, بيىل اقمولا وبلىسىنداعى نۇرلى, شۇبار, اققايىڭ, تالاپكەر, ىبىراي التىنسارين اۋىلدارى مەن قوسشى قالاسىنا گاز بەرىلگەن بولاتىن.