داۋىلدى ەسكەرتۋ – بۇل قاۋىپسىزدىكتىڭ سانا مەن دايىندىقتان باستالاتىنىن ەسكە سالاتىن ماڭىزدى سيگنال. ۋاقىتىندا قابىلدانعان ساقتىق شارالارى جاراقاتتانۋدىڭ الدىن الۋعا, زاقىمدانۋدى ازايتۋعا جانە ادامدار مەن ينفراقۇرىلىم نىساندارىن قورعاۋدى قامتاماسىز ەتۋگە مۇمكىندىك بەرەدى, دەپ جازادى Egemen.kz.
– «60 سەكۋندتىق قاۋىپسىزدىك» جوباسى داۋىلدى ەسكەرتۋلەردىڭ ماڭىزدىلىعى مەن اۋا رايىنىڭ قولايسىز جاعدايىنا الدىن الا دايىندالۋ قاجەتتىلىگى تۋرالى قىسقاشا شولۋ جاسادى. ونىڭ ماقساتى – قاۋىپتى اۋا رايى قۇبىلىستارى كەزىندە ءار ادامنىڭ قاۋىپسىزدىگىن ساقتاۋعا كومەكتەسەتىن قاراپايىم, بىراق ومىرلىك ماڭىزدى ەرەجەلەردى ەسكە سالۋ.
112 قىزمەتى جىبەرگەن جەدەل حابارلامالار الداعى اۋا رايى, قاۋىپ-قاتەر تۋرالى ۋاقىتىندا بىلۋگە جانە قاجەتتى شارالاردى قابىلداۋعا مۇمكىندىك بەرەدى. اۋا رايى جاعدايىنىڭ كۇرت ناشارلاۋى تۋرالى اقپارات العان كەزدە ارەكەت ەتۋ ءتارتىبىن ءبىلۋ ماڭىزدى, – دەپ ەسكەرتتى تجم.
ۆەدومستۆو ازاماتتاردى رەسمي ەسكەرتۋلەرگە مۇقيات نازار اۋدارۋعا, 112 قىزمەتىنەن كەلەتىن حابارلامالاردى ۇنەمى تەكسەرۋگە جانە اۋا رايىنىڭ مۇمكىن وزگەرىستەرىنە الدىن الا دايىندالۋعا شاقىرادى.