فارەر ارالدارىنا قارسى وتەتىن جولداستىق ماتچ الدىندا قازاقستان ۇلتتىق قۇراماسىنىڭ باس باپكەرىنىڭ مىندەتىن اتقارۋشى تالعات بايسۋفينوۆ كوماندا دايىندىعى, قارسىلاستىڭ قارقىنى جانە ويىن ءتارتىبىنىڭ ماڭىزدىلىعى تۋرالى ويىمەن ءبولىستى, دەپ حابارلايدى Egemen.kz.
ء«بىز فارەر ارالدارىمەن بولاتىن كەزدەسۋدى بەلگياعا قارسى ويىنعا دايىندىق كەزىندە جوسپارعا ەنگىزدىك. ەندى جاتتىعىپ, دەمالامىز. ءبىز بۇعان دەيىن روتاتسيا بولاتىنىن ايتقانبىز جانە فارەر ارالدارى قۇراماسىنىڭ سوڭعى ءۇش ويىندا جاقسى ونەر كورسەتكەنىن تۇسىنەمىز. ولار چەرنوگوريا مەن چەحيانى جەڭىپ, حورۆاتيادان 1:3 ەسەبىمەن جەڭىلىپ قالدى. بىراق ءبىرىنشى تايمدا تەڭ ءتۇسىپ, جاقسى ويىن كورسەتتى. ءبىز الدىمىزعا ماقسات قويىپ, دايىندالىپ جاتىرمىز», دەدى بايسۋفينوۆ.
ول ۇلتتىق قۇرامانىڭ باستى ماقساتى – جەڭىسكە ۇمتىلۋ ەكەنىن اتاپ ءوتتى. بىراق ويىن ءتارتىبى مەن تۇراقتىلىقتى ساقتاي ءبىلۋ ماڭىزدى ەكەنىن تىلگە تيەك ەتتى.
«ارينە, ويىن تۇراقتىلىعىن ساقتاي الساق ناتيجەگە جەتەمىز. بۇل جاتتىعۋ كەزىندە دە, ويىن جوسپارىن دايىنداۋدا دا وتە ماڭىزدى. جىگىتتەردىڭ ءبارى ءتۇسىنىپ وتىر, ءبارى دۇرىس بولادى دەپ ويلايمىن», دەدى تالعات بايسۋفينوۆ