مەملەكەت باسشىسى قازاقستان مەن ەستونيانىڭ ىسكەرلىك توپ وكىلدەرى قاتىسىپ جاتقان بيزنەس-فورۋم ساۋدا جانە ينۆەستيتسيا سالاسىنداعى ەكىجاقتى ىقپالداستىقتى جانداندىرۋعا سەپتىگىن تيگىزەتىنىنە سەنىم ءبىلدىردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ كولىك-لوگيستيكا, تسيفرلاندىرۋ, اۋىل شارۋاشىلىعى, ونەركاسىپ, قارجى جانە ءبىلىم بەرۋ سالالارىنداعى ءوزارا ءتيىمدى سەرىكتەستىكتىڭ پەرسپەكتيۆتى باعىتتارىنا توقتالدى. سونداي-اق ەلىمىزدە ەستونيالىق بيزنەستىڭ كەڭەيۋىنە جان-جاقتى قولداۋ بىلدىرۋگە دايىن ەكەنىن راستادى.
جيىندا ەستونيا پرەزيدەنتى الار كاريس تە ءسوز سويلەدى.
بيزنەس-فورۋم اياسىندا ەكى ەل كومپانيالارى جالپى قۇنى 517 ميلليون دوللاردان اساتىن 11 كوممەرتسيالىق قۇجاتقا قول قويدى.