«تازا قازاقستان» رەسپۋبليكالىق باستاماسى اياسىندا جەتىسۋ اۋدانىنىڭ كوميۋنيتي ورتالىعىندا «قاعاز boom» ەكولوگيالىق اكتسياسى ءوتتى, دەپ حابارلايدى Egemen.kz.
قوعامدا ەكولوگيالىق مادەنيەتتى دامىتۋ, قالدىقتاردى بولەك جيناۋ داعدىسىن قالىپتاستىرۋ جانە تۇرعىنداردىڭ ەكوساناسىن ارتتىرۋدى ماقسات ەتكەن ءىس-شاراعا اۋدان تۇرعىندارى, جاستار مەن ستۋدەنتتەر بەلسەندى قاتىسىپ, قاجەتسىز گازەتتەردى, جۋرنالداردى, كارتون مەن كەڭسە قاعازدارىن تاپسىردى.
اكتسيا بارىسىندا شامامەن 2 توننا ماكۋلاتۋرا جينالىپ, ارنايى قابىلداۋ پۋنكتىنە جونەلتىلدى.
«قورشاعان ورتانى قورعاۋ – ورتاق مىندەتىمىز. بۇگىنگى «قاعاز boom» اكتسياسىنا تۇرعىنداردىڭ بەلسەندى قاتىسۋى – قوعامدا ەكولوگيالىق مادەنيەتتىڭ ءوسىپ كەلە جاتقانىن, ازاماتتاردىڭ ەكولوگيا ماسەلەسىنە جاۋاپكەرشىلىكپەن قاراي باستاعانىن كورسەتەدى. ءبىز ەكولوگيالىق باستامالاردى ودان ءارى دامىتىپ, جاستاردى تابيعاتقا ۇقىپتى قاراۋعا تارتۋدى جالعاستىرامىز», دەيدى جەتىسۋ اۋدانى كوميۋنيتي-ورتالىعىنىڭ جەتەكشىسى ەسەن ابدىحالىق.
الماتى