بۇگىن تاڭەرتەڭ تۇركىستان وبلىسىنىڭ جەتىساي اۋدانى, العاباس اۋىلىندا جەكە تۇرعىن ءۇي ورتەنىپ, 12 ادام قازا تاپتى, ولاردىڭ ىشىندە 9 بالا بار. وقيعا ورنىنان سۋرەتتەر جاريالاندى, دەپ حابارلايدى Egemen.kz.
قازا بولعان بالالاردىڭ ەڭ كىشىسى – 2024 جىلى تۋعان, قالعاندارى – 2009, 2010, 2012, 2015, 2017, 2019 جانە 2021 جىلدارى دۇنيەگە كەلگەن. بالالاردىڭ بەسەۋى ءبىر وتباسىنان شىققان – ءۇش قىز جانە ەكى ۇل. باسقا وتباسىنان 2018 جىلى تۋعان قىز بالا امان قالدى.
ءورتتىڭ سالدارىنان ەكى ەرەسەك جانە ءبىر بالا اۋرۋحاناعا جەتكىزىلگەن. ولاردىڭ جاعدايلارى اۋىر, بىراق تۇراقتى. قازىرگى تاڭدا بارلىعى جانساقتاۋ بولىمىندە جاتىر.
ەستەرىڭىزگە سالا كەتەيىك, 18 قاراشا كۇنى تاڭەرتەڭ جەتىساي اۋدانىنداعى العاباس اۋىلىندا قايعىلى وقيعا بولدى. جەكە ۇيدە بولعان ورتتەن 12 ادام, ونىڭ ىشىندە توعىز بالا قازا تاپتى.
پرەزيدەنت قاسىم-جومارت توقاەۆ ورتتەن قازا تاپقانداردىڭ وتباسىلارىنا كوڭىل ايتىپ, ۇكىمەت پەن وبلىس اكىمىنە بارلىق قاجەتتى كومەك كورسەتۋدى جانە قايعىلى وقيعانىڭ سەبەبىن انىقتاۋدى تاپسىردى.