Telegram مەسسەندجەرى قولدانبا ىشىندەگى سىيلىقتار بويىنشا اۋكتسيون وتكىزۋ تەتىگىن ىسكە قوستى, دەپ جازادى Egemen.kz.
مەسسەندجەردىڭ نەگىزىن قالاۋشىلاردىڭ ءبىرى پاۆەل دۋروۆتىڭ مالىمەتىنشە, العاشقى تەستىلىك اۋكتسيون Telegram Plane ەكسكليۋزيۆتى سىيلىعىمەن ءوتتى. ەندى كومپانيا تانىمال تۇلعالاردىڭ سىيلىقتارىمەن ءتۇرلى اۋكتسيون ۇيىمداستىرۋدى جوسپارلاپ وتىر.
العاشقى اۋكتسيون 15 قاراشادا باستالدى جانە ول 50 راۋندقا سوزىلادى. ءار راۋندتا ءبىرىنشى ورىندى العان 20 قاتىسۋشى Telegram Plane سىيلىعىنان 20 دانادان الادى. العاشقى راۋند ءبىر ساعاتقا سوزىلدى, ال قالعان 49 راۋندتىڭ ارقايسىسى بەس مينۋتتان وتەدى.
سونىمەن قاتار Telegram-نىڭ Android ءۇشىن 12.2.1 نۇسقاسىندا جەكە پروفيلدەردەن ستريم جۇرگىزۋ مۇمكىندىگى پايدا بولدى. ترانسلياتسيالار "ستوريس" فورماتىنا ۇقساس, كورەرمەندەر "جۇلدىز" تۇرىندە باعالاناتىن پىكىر قالدىرا الادى. سونداي-اق ءستريمدى باسقا قوسىمشادان دا جۇرگىزۋ مۇمكىن, ول ءۇشىن سەرۆەر سىلتەمەسى مەن ترانسلياتسيا كىلتىن ەنگىزۋ جەتكىلىكتى.