وسىدان ءبىراز جىل بۇرىن ارال تەڭىزىنىڭ تارتىلعان تۇبىنەن عالىمدار تۇسىنىكسىز گەومەتريالىق فيگۋرالار تاۋىپ العان. ونىڭ قۇپياسى ءالى كۇنگە دەيىن اشىلماعان.
وتاندىق عالىم بوريس سمەردوۆ 1990 جىلى ارال ماڭىنداعى سۋ دەڭگەيىن باقىلاۋ كەزىندە وسى جۇمباق بەلگىلەرگە تاپ بولعان. اەروفوتوسۋرەتتەردە تەڭىز تۇبىنەن جانە جاعالاۋ بويىنان ۇزىندىعى 20–40 شاقىرىمعا دەيىن سوزىلعان ءتۇزۋ, پاراللەل سىزىقتار كورىنگەن. كەيبىرى الىپ قول تاراقپەن تاراعانداي نەمەسە قىلقالاممەن سىزعان سۋرەت سەكىلدى. ەنى شامامەن 10–12 مەتر, اراقاشىقتىعى ونداعان شاقىرىمعا جەتەدى. فرانتسۋز عالىمدارى بۇل قۇبىلىستى پەرۋدەگى ايگىلى ناسكا سىزىقتارىمەن سالىستىرىپ, «بۇل جەردەن تىس وركەنيەتتىڭ ءىزى بولۋى مۇمكىن» دەگەن بولجام جاساعان.