قوستاناي. 23 ماۋسىم. قوستانايعا قىتاي حالىق رەسپۋبليكاسىنىڭ بەلگىلى ينۆەستيتسيالىق Zhongfu Investment Group Limited Company كومپانياسىنىڭ جانە الماتىداعى «Kaz Grain Food Almaty» جاۋاپكەرشىلىگى شەكتەۋلى سەرىكتەستىگىنىڭ وكىلدەرى كەلدى. ولار وبلىس اكىمى نۇرالى سادۋاقاسوۆپەن كەزدەستى. بۇل تۋرالى وبلىس اكىمى ءباسپاسوز قىزمەتىنىڭ حابارىنا سۇيەنە وتىرىپ, egemen.kz ءتىلشىسى حابارلادى.
كەزدەسۋدە قىتايلىق Zhongfu Investment Group Limited Company كومپانياسىنىڭ باسقارما توراعاسى لي چيفەنگ, Jiaxin International Resources Investment Limited (Hong Kong)ليۋ ليچيان, «Kaz Grain Food Almaty» جشس ديرەكتورلار كەڭەسنىڭ توراعاسى باۋىرجان بايمۇحامەدوۆ جانە قوستاناي وبلىسى اكىمىنىڭ ورىنباسارى سەرگەي كارپليۋك, اۋىلشارۋاشىلىعى باسقارماسىنىڭ باسشىسى بايبوسىن مۋرزين, ەكونوميكا جانە بيۋدجەتتى جوسپارلاۋ باسقارماسىنىڭ اسشىسى ەرلان سپانوۆ بولدى.
تاراپتار ىنتىماقتاسۋدىڭ, اۋىل شارۋاشىلىعىنا قىتاي ينۆەستورلارى قارجىسىن سالۋدىڭ جانە مايلى زىعىر وسىرەتىن جانە ونى تەرەڭ وڭدەيتىن جوعارى دەڭگەيدە بىرىكتىرىلگەن كومپانيا قۇرۋدىڭ ەكى جاققا دا تيىمدىلىگىن تالقىلادى. الدىن الا شامالانعان ينۆەستيتسيا كولەمى 500 ميلليون دوللار بولادى.
نۇرالى سادۋاقاسوۆ قوستاناي وبلىسى سوڭعى جىلدارى ءوز ءوندىرىسىنىڭ كۇشىمەن وسىمدىك مايىنىڭ تاپشىلىعىن جەڭدى, ونىڭ 30 پايىزى ەكسپورتتااتىنىن ايتتى. سونىمەن قاتار الداعى ۋاقىتتا دا مايلى داقىلدار القابىن كەڭەيتىپ, ونىڭ ءونىمىن وڭدەۋگە وبلىس الەۋەتى جەتەدى. بيىل مايلى داقىلدار القابى 360 مىڭ گەكتاردى قۇرادى, بۇل بارلىق سەبىلگەن ءداندى داقىلداردىڭ 80 پايىزىن قۇرايدى.
لي چيفەنگ: «ءبىز اۋىل شارۋاشىلىعى سالاسىندا ىنتىماقتاستىق ورناتۋى ماقسات تۇتىپ وتىرمىز. قىتايداعى ماي ءوندىرىسى – 80 پايىز يمپورت رەسۋرستان تۇرادى. ۇكىمەتتىڭ كۇش سالۋىنا قاراماستان ەلدە 20 پايىز ازىق-ت ۇلىكتىك وسىمدىك مايى جەتىسپەيدى. ءبىز قوستاناي وبلىسى بۇل باعىتتا ينۆەستيتسيا سالۋعا قولايلى ءوڭىر دەپ بىلەمىز», دەدى.
قوناقتار قىتاي ۇكىمەتىنىڭ قاۋلى شىعارىپ, قورعا قازاقستان كاسىپورىندارىمەن ىنتىماقتاسۋعا رۇقسات بەرگەن, ءسويتىپ قازاقستاندا اۋىلشارۋاشىلىعىن دامىتۋعا 1,6 ميلليارد دوللار كولەمىندە قارجى ءبولىپتى.
Zhongfu Investment Group Limited Company قورىنىڭ ۇسىنىسىمەن قوستاناي وبلىسىندا زىعىر وسىرەتىن, وڭدەيتىن جانە تۇقىم دايىنداۋمەن اينالىساتىن كاسىپورىندار قۇرىلاتىن بولادى. جۇمىس ورىندارىنا جەرگىلىكتى كادرلار الىناتىن بولادى. كەزدەسۋدە قوستاناي وبلىسى اكىمياتى مەن Zhongfu Investment Group Limited Company قورى اراسىندا ىنتىماقتاستىق تۋرالى مەموراندۋمعا قول قويىلدى. وبلىس اكىمى نۇرالى سادۋاقاسوۆ: «ءبىز ىنتىماقتاسىپ جۇمىس ىستەۋگە دايىنبىز. ءبىزدىڭ وبلىستا ءبىزدىڭ ماماندارمەن جۇمىس ىستەيتىن جۇمىس توبىن قۇرۋ كەرەك دەپ ويلايمىن. جىل سايىن قانشا ينۆەستيتسيا سالىندى, ءوندىرىس كولەمى قانداي بولۋى كەرەكتىگىن انىقتايتىن ارنايى باعدارلاما جاسالۋى ءتيىس» دەدى.
ءنازيرا جارىمبەوۆا.
دەرەك, سۋرەت: egemen.kz