قاسىم-جومارت توقاەۆتىڭ رەسەيگە ساپارىنىڭ قۇرمەتىنە پرەزيدەنت ۆلاديمير ءپۋتيننىڭ اتىنان كرەملدە مەملەكەتتىك قابىلداۋ ءوتتى, دەپ حابارلايدى Egemen.kz.
مەملەكەت باسشىسى ءبىزدىڭ ورتاق تاريحىمىز بىرلىكتىڭ ۇلگىسىن تانىتاتىن سوزدەردىڭ قاي-قايسىسىنان دا ارتىق ەكەنىنە توقتالدى.
– قيىن جىلداردا ءبىز ءبىر-ءبىرىمىزدى قولداپ, يىق تىرەسىپ قاتار تۇردىق. بىرگە تالاي قيىندىقتى جەڭدىك, بۇگىندە جادىمىزدا ساقتاپ, جۇرەگىمىزدىڭ تورىندە قاستەرلەپ ۇستايتىن ۇلى جەڭىسكە بىرلەسىپ جەتتىك. اتا-بابامىزدان «قۇداي قوسقان كورشى» دەگەن ءسوز قالعان. رەسەي – قازاقستاننىڭ قۇداي قوسقان كورشىسى, – دەدى قازاقستان پرەزيدەنتى.