اتالعان وبلىستىڭ شالقار قالاسىنىڭ تۇرعىندارى 27 جاستاعى اسلان لايىقوۆ پەن ءلاززات جولامانوۆانىڭ وتباسىندا ۇشەم دۇنيەگە كەلىپ, ولارعا ادەمى, سۇلۋ جانە امىرە ەسىمى بەرىلدى, دەپ جازادى Egemen.kz.
بۇدان بولەك جاس وتباسىنىڭ 5 جاسار ۇلى, 3 جاسار قىزى بار.
شالقار اۋدانى اكىمى جانبولات جيدەحانوۆ كوپبالالى وتباسىنى قۇتتىقتاپ, ەستەلىك سىيلىعىن تارتۋ ەتتى.
وبلىس اكىمدىگىنىڭ مالىمەتىنشە, نارەستەلەردىڭ دۇنيەگە كەلگەندەگى سالماعى – 1600, 1670, 1490 گرامم بولسا, بويلارى بىردەي, 35 سم. نارەستەلەر بىرنەشە مينۋت ايىرماشىلىقپەن دۇنيەگە كەلگەن.
«شاقالاقتار 1 ايدان اسا وبلىستىق پەريناتالدىق ورتالىعى دارىگەرلەردىڭ ءجىتى باقىلاۋىندا بولىپ, تۇراقتى ەم قابىلداعان. انا مەن سابيلەردىڭ جاعدايى جاقسى», دەلىنگەن حابارلامادا.