بەلگىلى قالامگەر جانە قوعام قايراتكەرى عالىم دوسكەن ومىردەن ءوتتى, دەپ جازادى Egemen.kz.
عالىم تولەمبەك ۇلى قازاق رۋحانياتىنىڭ دامۋىنا ۇزاق جىل قىزمەت ەتكەن تۇلعا. ول «ۇلان» گازەتىندە باسشىلىق جاساپ, جاس قالامگەرلەردىڭ كاسىبي قالىپتاسۋىنا ۇلەس قوستى. كەيىن «قازاقستان» تەلەراديوكورپوراتسياسىن باسقاردى. وسى كەزەڭدە ۇلتتىق مەديانىڭ باعىت-باعدارىنا اسەر ەتكەن بىرقاتار جوبانى ىسكە اسىردى.
«قازاقتىڭ ءداستۇرلى 1000 ءانى» مەن «قازاقتىڭ ءداستۇرلى 1000 كۇيى» اتتى انتولوگيالىق جيناقتاردى دايىندادى. بۇل جوبالار ارقىلى ءداستۇرلى مۋزىكا مۇراسىنىڭ اۋقىمدى بولىگىن جيناقتاپ ۇسىندى.
رەجيسسەر جانە ستسەناريست رەتىندە «كيەلى جەرلەر» جانە «جوعالعان جارىق حرونيكاسى» اتتى دەرەكتى فيلمدەردى ءتۇسىردى. بۇل تۋىندىلاردا تاريحي جانە رۋحاني مازمۇن كەڭىنەن كورسەتىلدى.
مارقۇمنىڭ وتباسىنا مادەنيەت جانە اقپارات مينيسترلىگى كوڭىل ايتۋ حاتىن جولدادى.
ء«ومىرىن ءسوز ونەرى مەن ۇلت مادەنيەتىنە ارناعان عالىم تولەمبەك ۇلىنىڭ جارقىن بەينەسى مەن ۇلتتىق مادەنيەتىمىزگە سىڭىرگەن ەڭبەگى حالىق جادىندا ساقتالادى دەپ سەنەمىز. ۇلتىنا ادال قىزمەت ەتكەن ازاماتتىڭ جانى ءجانناتتا, يمانى سالامات بولعاي!», دەلىنگەن حابارلامادا